Caeiro-Jose Tama Kadeia Tinan 3 Fulan 6

DILI - Eis sekretariu Estadu obras publika Domingos Caero, sei tama prijaun efetivu, tanba krime administrasaun danoza.

Eis sekretariu Estadu Obra Publiko Domingos Caeiro, relasiona ho kazu kontrusaun estrada iha municipiu Bobonaro durante nia mandatu, nunee iha loron ikus fulan Jullu, Tribunal Rekursu hasai akordaun efetivu tinan 3 fulan 6.

Tribunal absolve arguidos Domingos Dos Santos Caeiro no Jose Agusto Inglesh Dos Santos Freitas, neebe komete krime, abuzu de poder, partisipasaun ekonomika no negosiu, iha artigu 421 no lei 31/1999 Republika Indonezia, iha data no faktus, neebe aktulamente iha artigu 297 no 299 iha kodigu penal Timor Leste.

Tribunal kondena arguidus Domingos Dos Santos Caeiro no Jose Agusto Inglesh Dos Santos Freitas, neebe halo krime admenistrasaun danoza, previstu iha artidu 274 no pena tinan 3 fulan 6 ba prijaun kada arguidu.

Alende nee arguidu nain rua, laos tama deit prijaun tinan 3 fulan neen, maibe sira mos selu indimizasaun ba estadu. Arguidu Domingos Dos Santos Caeiro ho osan $ 200.00 no arguidu Jose Agusto Inglesh Dos Santos ho osan $ 150.00 ba estadu.

Antes nee, Iha loron 3 fulan junu tinan 2015, realiza audensia julgamentu kolektivu iha tribunal Suai, tribunal koletivu solisita menisteriu publiku, no defensor publiku Suai atu aprezenta peritus atu analiza dokumentus ba prokurador ba krime abuju poder, husi Arguido Domingos Dos Santos Caeiro no Jose Agusto Inglesh Dos Santos Freitas.

Desijaun tribunal nian nee, Tuir advogado Octavio Antonio Caldas Cardoso hateten, pena neebe tribunal rekursu fo, bazeian ba rekursu neebe parte defeza halo antes tribunal primeira instansia. No kondena nia kliente Jose Inglesh Agusto Freitas ho pena prijaun tinan tinan 12, depois rezultadu rekursu ida nee, fo pena prijaun tinan 3 ho balu, kusta judisiais $ 150.00. Terezinha De Deus

Suara Timor Lorosae