quinta-feira, 3 de agosto de 2017

PM Laos Fretilin Komplikadu Ouituan

DILI – Tuir konstituisaun RDTL, artigu 106 kona ba Nomeasaun artigu 1, Primeiru Ministru hili husi partidu sira neebe iha nia ema barak iha Parlamentu no iha nomeasaun husi Prezidente Republika, uainhira rona tiha partidu politiku sira neebe iha reprezentante sira iha Parlamentu Nasional.

Hafoin Tribunal Rekursu hasai desijaun final Partidu Fretilin mak sai vensedor iha eleisaun Parlamentar ho 168.480 (29/7%) tamba nee kuandu partidu Fretelin mak la tau ninia Primeiru Ministru nee komplikadu ouituan.

Deklarasaun nee fo sai husi, Adjuntu Sekretariu Partidu Fretilin, Jose Reis, iha debate Publiku Dili Demokrasia Forum (DDF), Edefisiu STL, Osindo Surik Mas, Kuarta (02/08/2017).


Partidu de impozisaun katak Partidu nee labele tau ninia Primeiru Ministru husi Partidu nee komplikadu ouituan, nee koalia demokrasia mos ibun mamuk no koalia boa vontade mos koalia ibun mamuk la iha boa vontade ida lakohi prosesu nee lao ba oin,” dehan Jose.

Nia hatutan, entaun problema Primeiru Ministru nee koalia momos ona katak partidu mais votadus ou uma koligasaun, indizita iha eleisaun nee fo konfiansa hakarak mesmu ke liu ho pontu ida ka rua liu signifika povu nee hakarak mudansa hodi fo ba iha Partidu mais votadus nee mak Fretilin.

Iha fatin hanesan, observador Politiku Camilo Alves Ximenes katak partidu ida nee mak atu lidera governu katak atu sai Primeiru Ministru nee mak partidu mais votadus, maibe sera que niat politika husi partidu Fretelin iha ka lae atu forma governu. Domingos Piedade/Carmen Ximenes

Suara Timor Lorosae

Sem comentários: