quinta-feira, 3 de agosto de 2017

Khunto Seidauk Simu Konvite

PARTILHAR
DILI – Hafoin rejultadu husi Tribunal Rekursu (TR), partidu Khunto seidauk simu konvite ka kontaktu ruma husi partidu mais votadus atu halo koligasaun hodi forma governu.

Tuir Sekretariu Jeral Partidu Khunto, Agostinho da Silva liu husi via telefone ba STL katak em prinsipiu Partidu Khunto ninia kadeira iha Parlamentu Nasional 5, konaba formasaun governu kompetensia partidu mais votadus Fretilin no CNRT no karik partidu rua nee mak konvida no kolabora husi Khunto ninia parte atu kolabora hodi forma governu.

Partidu boot rua nee too oras nee dadaun seidauk iha kontaktu ruma entre partidu Khunto no iha komunikasaun informal maibe la iha komunikasaun formal maske Tribunal Rekursu hasai ona desijaun final ba eleisaun parlamentar 2017-2022 maibe husi partidu Khunto hein deit kuandu partidu mais votadus konvida,”dehan Agostino.

Nia hatutan, hafoin rejultadu husi Tribunal Rekursu neebe mos konfirma katak Khunto mos ba iha Parlamentar Nasional hodi sai liman no ain povu Timor Leste nian.  Maibe, Fretelin neebe mak hakarak governu grande inkluzaun too oras nee dadaun Khunto seidauk simu konvite ruma husi partidu mais votadus rua nee. Domingos Piedade/Natalino Belo

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: