quinta-feira, 3 de agosto de 2017

Governu Foun Tenke Iha Vizaun Hadia Povu Nia Moris

PARTILHAR
DILI – Governu se deit maka ukun tenke hare didiak probelama saida maka Timor Leste enfrenta, tanba TL seidauk kore aan husi dependensia ba fundus mina rai, tan nee governu tenke ho vizaun hadia setor produtivu atu nunee bele lori povu ba moris diak.

Kestaun nee fo sai husi Diretur Jeral Camara Comersiu Industria Timor Leste (CCI-TL), Nuno Trindade ba STL, Kuarta (02/08/2017) iha nia knaar fatin CCI-TL Akait Dili.

Hau hanoin governu ida neebe deit maka ukun tenke mai ho vizaun no, hatene lolos problema saida maka too oras nee Timor Leste sei infrenta liu liu depende ba osan mina nian tanba, setor produtivu too agora ita seidauk dezenvolve diak, oinsa planu governu foun nian atu kore ita sai husi dependensia sira nee, buka dezenvolve setor produtivu,” dehan Nuno.

Nia mos husu ba governu foun, tenke jere didiak osan atu nunee hadia dezenvolvimentu rai laran, hodi lori povu ba moris diak, povu tenke moris iha pas-establidade nia laran, no osan neebe uza ba investe tenke, efisensia no efikas atu nunee bele fo benefisiu ba povu hodi dudu dezenvolvimentu ekonomia lao ba oin.

Iha fatin hanesan Mateus de Araujo membru CCI-TL hatutan, tuir rezultadu neebe maka fo sai katak, Partidu Fretilin maka sai vensador iha eleisaun, maske ho maioria simples, maibe haree ba kontestu politika atu forma governu maka partidu ida tenke hetan maioria absoluta maka foin bele forma governu. Madalena Horta

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: