Iha
loron-kuarta ne'e, Prezidente Estadus Unidus nian, Donald Trump, promulga ona,
maski hosi nia rezerva sira, kastigu ekonómiku foun sira hasoru Rúsia, aprova
hosi Kongresu hodi kastigu Moskovo tanba intromisaun iha eleisaun prezidensial
norte-amerikanu sira, fó sai hosi White House.
Kastigu
sira ne'e, mosu mós tanba aneksasaun hosi Krimeia no tanba intromisaun rusu iha
Ukránia, kona liuliu ba área enerjétiku rusu nian.
Aleinde
resposta lalais ida hosi autoridade rusu sira, sira hamosu mós krítika sira iha
Uniaun Europeia nia laran, ne'ebé tauk tanba nia abastesimentu gás no kondena
asaun unilateral ida.
Diploma
inklui mós kastigu sira hasoru Iraun ho Koreia-Norte.
Ezekutivu
norte-amerikanu la subar sira nia dúvida antes Kongresu foti kastigu foun sira,
iha tempu ne'ebé Washington tenta hametin sira nia relasaun ne'ebé ho konflitu
ho Moskovo.
Maibé
parlamentar norte-amerikanu sira aprova ona nia textu iha semana liubá kuaze ho
unanimidade no Trump desidi ona la suspende, tanba Kongresu sei pasa ho fásil
maski rejeita hosi prezidente, hetan nune'e, votasaun foun ida hosi nia projetu
lei, maioria hosi 2/3.
Prezidente
promulga ona diploma ho kastigu foun sira dook hosi kámara sira.
"Ami
hatete loloos katak ami la hanoin atu ne'e fó benefísiu ba ami nia esforsu,
maibé hanesan sira nia desizaun no ha'u fiar katak Prezzidente aseita",
hatete hosi sekretáriu Estadu norte-amerikanu, Rex Tillerson, iha loron-tersa,
kona-ba votasaun hosi deputadu sira.
Rúsia
fó kedas reasaun, no mosu antes promulgasaun hosi Donald Trump, iha
loron-sesta, bainhira Moskovo fó sai kona-ba diminuisaun maka'as iha tempu
badak hosi prezensa diplomátiku hosi Estadus Unidus iha nia teritóriu:
Washington tenki hamenus, hahú loron 01 Setembru, hosi funsionáriu efetivu
na'in 755 ba na'in 455 ne'ebé maka destakadu iha embaixada sira no konsuladu
sira.
"Relasaun
sira to'o ona nia pontu krítiku sira dezde Funu Malirin nia rohan no bele sai
aat liután", hatete hosi Rex Tillerson, iha loron-tersa ne'e, ne'ebé iha
reseiu atu sai aat liu ho "akontesimentu sira iha semana ikus ne'e".
Xefe
diplomasia Estadus Unidus nian sei iha enkontru bilateral ho nia homólogu rusu,
Sergei Lavrov, durante findesemana oinmai, bainhira iha reuniaun ida iha
Manila.
SAPO
TL ho Lusa
Sem comentários:
Enviar um comentário