DILI, (TATOLI) – Primeiru-Ministru
sesante, Marí Alkatiri, rekoñese servisu jornalista nasionál no internasionál
iha prosesu konstrusaun Estadu no promove demokrasia.
“Jornalista, servisu ida
importante. Halo ita kontente, ida ne’e imi nia servisu duni”, dehan Alkatiri
iha edifísiu ZEESM (Zona Ekonomia Espesiál, Sosial Merkadu) Farol, hafoin fahe
sertifikadu apresiasaun ba jornalista sira ne’ebé durante ne’e halo kobertura
iha Palásiu Governu.
“Imi tenke buka investiga loloos
ba situasaun no peskiza para labele sai jornalista isu-isu (boatus)”, hatutan.
Tuir nia jornalista hola papel
importante hanesan kontrolu sosiál no promove demokrasia, tanba ne’e nia sei
kontinua kolabora ho jornalista iha prosesu dezenvolvimentu.
“Imi hothotu sei joven, imi nia
kareira sei naruk, tanba ne’e serbisu ho di’ak”, PM husu tan ba jornalista
sira.
Jornalista hosi mídia nasionál no
internasionál hamutuk ema nain 23 maka simu sertifidau apresiasaun.
Jornalista: Agapito dos Santos | Editora:
Rita Almeida
Imajen: Jornalista sira ne’ebé
simu sertifikadu apresiasaun foto hamutuk ho Primeiru-Ministru sesante, Marí
Alkatiri, iha edifísiu ZEESM Farol. Foto Agapito dos Santos
Sem comentários:
Enviar um comentário