DILI, (TATOLI) - Primeiru-ministru,
Taur Matan Ruak informa, diversifikasaun ekonomia no empregu nu’udar mós
komprimísiu ba governu konstitusionál da-walu nian, ba periode governasaun 2018
to’o 2023.
Iha Diversifikasaun ekonómika no
kriasaun empregu hodi fó resposta ba dezafíu husi modernidade no ezijénsia husi
populasaun ida mak mesak ema foin sa’e deit (jovens) (ho serka de 51.24% ema ho
tinan kiik menus-ke idade 20 anos) no kuantidade sa’e rápidu liu.
“Ita iha promesa ida hodi kumpre
atu “transforma Timor-Leste nu’udar País ida ohin loron iha rendimentu per
capita ida ne’ebé ki’ik liu, ba País ida ho rendimentu mediu-altu,”
konforme Planu Estratejiku ba Ekonomia,” dehan ezekeutivu, Taur Matan Ruak, iha
Palásiu Nobre, Lahane-Díli, sesta lorokra’ik ne’e.
Primeiru-ministru mós informa tan
katak durante tinan lima kompromete mós iha paz no justisa hodi atrai
investimentu.
“Iha Paz, iha Justisa, no husi
podér no efikásiahusi ita nian instituisaun sira; hanesan “kondisaun xave atu
ható konfiansa no seguransa ba populasaun, nesesário hodi atrái investimentu no
dezenvolve ekonomia no setór sosiál husi furma sustentável,”” akresenta Taur.
Atu konkretiza objetivu hirak
ne’e, Primeiru-Ministru Taur Matan Ruak konfesa katak kontinua halo
investimentu iha setór produtivu, ne’ebé Timor-Leste potensiál atu kompete.
Hanesan,iha vertente oi-oin
Turizmu hanesan: Turizmu natureza, foho, istóriku, kulturál, relizioju,
desportivu ka lazer no rekreiu, ita iha posibilidades boot atu promove
Timor-Leste nu’udar destinu ida úniku, alternativu, ekolójiku no amigu ba
ambiente;
Tuir mai, Iha Agrikultura,
Floresta, Pekuária no Peska, ita bele kria lalais rede abastesimentu internu,
husi produtu hortikula, aifuan, na’an no ikan fresku, hodi aproveita
infraestrutura foun iha konstrusaun (estrada no ponte) ka projetada (portu no
aeroportu), hodi nune’e reduz dependénsia externa no aumenta exportasaun,
liu-liu, iha nível husi produtu orgániku no ho kualidade sertifikada.
Iha kriasaun emprezas ki’ik no
média sira, ne’ebé dedika-an iha artesenatu no produtu manufaturadu, liu-liu
ida ne’ebé dirije ba turista no vizitante sira, nomós atu alimenta konsumu
internu ne’ebé sa’e ba beibeik iha artigu no produtu esensiál hodi bele uza;
Ida mós konaba kriasaun ambiente
negósiu atrativu ida ba investimentu sira foun ho preparasaun hamutuk ho polo
dezenvolvimentu sira ne’ebé relevante, parkes industriais ne’ebé hetan lisensa
devida no preparadu ho infraestrutura bázika nesesária atu simu no suporta
instalasaun empreendimentu no unidade industriál. Tan ne’e mak ita hakarak
kontinua ho servisu ne’ebé hahú tiha ona, hodi simplifika prosedimentu, hodi
hala’o dijitalizasaun ba prosesu investimentu no hala’o legalizasaun ba empresa
sira, entre medida sira seluk ho objetivu ida atu koloka Merkadu Timoroan iha
rede internasionál destinu investimentus sira nian.
Iha Juventude: ita labele permite
tan atu kontinua ho situasaun atuál ne’e, hanesan falta oportunidade ba
servisu, mak barak liu laiha empregu no obriga juventude atu emigra ba (Irlanda
do Norte, Austrália, Portugal ou Koreia do Sul), hodi buka kondisaun moris
di’ak.
Ita iha obrigasaun morál no
responsabilidade hodi responde ba aspirasaun sira husi Juventude, ho mensajen
ida ho Fiar no Esperansa iha Futuru, husi lema ida ne’e mak ita halo tuir “Kada
Sidadaun ho Planu de Vida ida” ho orientasaun klaru no akonsellamentu adekuadu
kona-ba oportunidade ne’ebé disponível ba sira, hanesan edukasaun, fomasaun no
opsaun profisionál oioin.
Tuir Igualdade de Jéneru. Atu
kontinua responde ba apelu no nesesidade ita nian Feton sira nian, (serka de
49.2% husi populasaun) mak hakarak sai ativu no partisipativu ba prosesu
dezenvolvimentu Nasionál, ita tenke kontinua investe iha nian poténsia tuir
polítika de igualdade ba oportunidades, ba nível hothotu iha sosiedade no
Estadu, ho atensaun espesiál ba oportunidades iha edukasaun, treinamentus no
atividades ekonómikas.
Iha Edukasaun: Alende,
investimentus ne’ebé projetádus ba Sidade Universitária iha Alileu ka Kampus ba
Universitárius iha Hera, ka ba rekuperasaun, reabilitasaunno konstrusaun husi
infraestrutura foun ka ekipamentu eskolár, sei hakarak kontinua nafatin atu
responde ba nesesidades husi kapasidades ne’ebé mak di’ak, abilitasoens no
kompeténsias ne’ebé ezijídu husi merkadu servisu nian, husi emprezas no
Investidores, enkoraja aparesimentu husi joven sira mak kada-vez preparadus liutan,
ba mundu ne’ebé kada-vez Globalizadu liu no kompetitivu.
“Iha sentidu ida ne’e, mai ita
kontinua aposta iha formasaun bázika ba Joven sira mak iha ona vokasaun ba
kareira dosente. Hodi lao-hamutuk konklui no refórsa prosesu ne’ebé iha vigór
ba kualifikasaun no formasaun ba profesores,” insiste Primeiru-ministru, Taur
Matan Ruak.
“Ita mós sei hakarak atu aumenta
oferta ba kompetênsias prátikas no edukasaun jerál hodi investe iha kriasaun ka
adaptasaun ba estabelesimentus foun ba edukasaun sekundária no husi nível
tékniku-vokasionál ka husi edukasaun superiór politékniku,” hatutan Taur.
Ezekutivu Taur Matan Ruak
kontinua haklaken, iha Rekursus Naturais: ita hetan benefísiu atu produz
riku-soin enerjétikas, maibé ita tenke koloka ita nian esforsu hotu hodi se’es
husi “Maldisaun Rekursus nian” Konstroe ponte di’ak ida hodi halo ligasaun
entre Rekursus no progresus.
Tuir ne’e duni, Intensaun nafatin
atu kontinua fó prioridade ba kosta sul, no projetu inter-setoriál husi
Tasi-Mane, ne’ebé sei pretende tau inatalasaun ba Indústria petrokuímika
moderna, hanesan pólo jeradór ba dezenvolvimentu ekonómiku-sosiál.
Foin la kle’ur ba ita hetan
Vitória ida iha Direitu Internasionál kona-ba negosiasoens ba Fronteira
Marítima ho Austrália, batallas sira ne’e mai bes-besik mai lideráda husi
Negisiador Prinsipál itan nian Maun Doben Kay Rala Xanana Gusmão, negosiasoens
ba fronteira marítima no terrestres ho Indonézia sei kontinua, seidauk-hotu,
maibé liuliu difikuldade kona-ba negosiasaun hodi garante konstrusaun pipeline husi Greater
Sunrisemai Timor-leste.
Iha Desentralizasaun Territoriál
no kriasaun foun ba Polos Desenvolvimentu Munisipál; ita lakohi Nasaun ne’e
la’o ho velosidade rua, katak Kapitál de’it no Munisípiu balun de’it mak hetan
liu benefísiu no progresu ba dezenvolvimentu.
“Ami mai nu’udar Governu ida ho
Koezaun, ne’ebé governa ho soliedariedade teritoriál, kombate kontra
irregularidades, izolamentu no eskesimentu. Ami fiar katak desentralizasaun mak
hahú tiha ona hodi fó kriasaun ba Rejiaun no Munisípius konstitui ho realidade
ba oportunidade, atu estabelése iha lokál sira ne’e, verdadeirus Polos ba
Desenvolvimentu,” friza Taur Matan Ruak.
Nune’é duni, Taur reforsa, ita
tenke konta ho potensiál bo-boot no rekursus husi Munisípiu ida-idak; hanesan
Turizmu iha Ainaro nian fohóosira, Edukasaun Superiór iha Aileu, Indústrias, ba
manufaturadoras ba minerais no Simentu iha Baucau oportinidades iha fronteiras
terrestres iha Bobonaro, Covalima, no Oecussi, teknolojias ba informasaun no
servisus iha Dili, produsaun Kafé no produtus orgánikus ba exportasaun iha
Ermera, turizmu, pekuária no peskas iha Lautem, Portu Internasionál no parke
industriál iha Tibar/Liquiça, indústrias agro-pekuárias peskéiras iha Manatutu,
Indústrias ligadu ba setór Petrolífero iha Covalima, Manufahi, no Viqueque.
“Nasaun ida de’it, Ligadu ba
Progresu, Unidu iha Dezenvolvimentu Partilladu!,” afirma Primeiru-Ministru
Governu Konstitusionál da-walu ne’e.
Primeiru-ministru, Taur informa
tan, iha implementasaun no konkretizasaun ba polítika valorizasaun,
rekoñesimentu, prezervasáun no selebrasaun ba Memória Antigu Kombatente ba
Libertasaun Nasionál.
“Ami hakarak, ho mandatu atuál,
halo esforsu boot liu atu bele kompleta halibur fali mate restu Erois no
Mártires sira nian, kal nune’e ita bele rezolve hamutuk kestoen sira ne’ebé
refere ba benefísius ba pensaun. Ita mós iha esperansa atu bele kria Fundu ba
investimentu, katak alénde halibur oportunidades ba nogósis autu-sustentáveis,
atu hodi asegura sustentabilidade ba apoius sosiais iha futuru,” prefere ezekutivu,
Taur Matan Ruak.
Iha relasaun internasionál, tuir
Taur, ita tenke kontinua promove koperasaun bilaterais no multilaterais, adopta
parsearias Kulturais, ekonómikas no komersiais, importante ba kaptasaun
investimentu no kapasitasaun ba instituisoens no rekursus humanu.
Tanba ne’é duni mak ita tenke
reforsa lasus de amizade no koperasaun ho ita nian viziñu sira mak besik liu ba
ita, Indonésia, Austrália, espesialmente iha implementasaun Kona-ba projetus ba
dezenvolvimentu trilaterál, ba oportunidades ekonómikas mak mai tuir ligasoens,
infraestruturas, transporte no ligasaun entre Nasaun tolu ne’é, koñesidu
hanesan “Triángulu ba Kreximentu” entre Timor-Leste, Territóriu Norte Asutrália
nian, no Provínsia Indonézia, iha Timor Osidentál.
Atu hametin liutan Lasus
Istórikus, kulturál no amizade, ho país sira membrus ba CPLP, ho ajenda komum
ho país sira husi G7+ (G7 Plus); reforsa relasoens iha nível sira hothotu ho
país sira husi ASEAN hanesan halo parte ba ita nian esforsu hodi hetan admisaun
nu’udar membru permanente; no reforsa tuir mós ba relasaun bilaterál ho país
amigus sira ne’e, no parseirus importantes hanesan, China, Koreia do Sul, Cuba,
Estadus Unidos Amérika, Japaun, Nova Zelándia no Portugal, no sira seluk tan.
Ita hakarak mós atu aprofunda ita
nian partisipasaun iha frenti Internasionál no rejionál espesialmente ho
formalizasaun ho kandidatura ba Commonwealth.
Finalmente kontinua atu konfia
iha Sosiedade ida bazeada iha Família Unida Saudáveis no Matenek, no fasilita
mós armonia dezenvolvmentu ho pakote integradu ho medida no instrumentu ba
moris-diak sosiál, nomeadamente fó asesu ba servisus bázikus ba edukasaun,
saúde, eletrisidade, bee moos, no saneamentu báziku, konservasaun ba rekursus
naturais, no meiu ambiente, habitasaun no Urbanismu.
Dezafiu boot ida ne’e, sei koko
ita nian determinasaun no kapasidade hodi planeia asoens investimentus ba
kurtu, médiu no longu prazu. Medidas hanesan implementasaun ba rezervas
ekolójika no agríkulas, ‘master plan’ ba rejiaun no munisípiu sira, ho detalles
no planu urbanizasaun ba Kapitál Dili, no ba Sede Munisípius sira nian, fornese
suporte prátika ho tempu ne’ebé razoável tuir populasaun nian nesesiadades tuir
forma integrál no transversál ba setóres hothotu Estadu nian.
Ba Governu ida ne’e, la sei husik
kontinua fó lisensa ba projeto ou konstrusaun sira, se laiha ligasaun ba
servisus bázikus. Ita la sei aseita Inagurasaun ba Eskola, ospitál ka Edifísiu
Públiku ruma, sem buat nesesáriu sira hanesan ligasaun ba bee moos,
eletrisidade, saneamentu, esgotus, meius komunikasaun, internet no seluk tan.
Hanesan mós, ita labele aseita,
deskriminasaun ba projetus ki’ik ka boot, hanesan ne’ebé loke uma sosiál ki’ik
ida ba maluk kbiit laek ruma, ka inagurasaun ba kompañia mediu ka ba emprezáriu
Timoroan ida, ba ami, valór no direitus sira ne’e hanesan de’it atu simu
Servisus Públikus ba Estadu.
Hanesan mós, la halo sentidu,
kontinua konstroe sidade sira no empreendimentus sem ordenamentu, karik nune’e
ita la sei iha asesu ba estradas, transportes, abastesimentus no komunikasaun
nesesárias ba ita nian moris, no ita nian atividades.
Nune’e Primeiru-ministru, Taur
Matan Ruak hateten, Governu ida ne’e fiar katak la sei posível atu realiza
apostas no objetivus ne’ebé mak ita propóen, se la iha partisipasaun, akompañamentu
no monitorizasaun kontinua haree-tuir ba ita nian Sidadaun no sira nian
organizasaun sira.
“Ita asume, tan ne’e duni,
responsabilidades tolu mak ita haree katak fundamentál ba ita atu mantém
diálogu permanente no halibur hamutuk governantes ba governadus,” realsa Taur
Matan Ruak.
Responsabilidade tolu, tuir Taur,
Primeiru, Responsabilidade ba Komunikasaun, forma ida atu bele fó posibilidade,
karik bainhira posível, fó fatin ba debate públiku alargadu kona-ba opsoen
polítikas ne’ebé la hanesan atu implementa, promove mós entendimentu di’ak ida
ba kestaun sira ne’e, husi dezafius no benefísius ba País, husi desizaun oin
seluk.
Segundu, Responsabilidade ba
Kolaborasaun, ho Grupus sidadaun no organizasaun husi sosiedade sivil, mak
dedika-an ba monitorizasaun, vijilánsia no akompañamentu ba atividade Estadu
nian, ho atensaun espesiál ba impaktu ne’ebé mosu husi medidas la hanesan no
satisfasaun husi benefisiárius husi servisus públikus.
Terseiru, Responsabilidade ba
Transparénsia, tuir ezekusaun orsamentál, karik bainhira posível, hatuir husi
órgaun komunikasaun sosiál, espesialmente ho medidas ne’ebé ezije, esforsu
finanseiru boot ida iha ezekusaun orsamentál karik bele kompromete jerasaun
futura.
“Ita tenke sai rigurozu ba ita
aan rasik, membrus governu nian responsaveis ba adminstrasaun públika, maibé
sira hotu mak iha ligasaun direta ka indiretamente benefísia husi rekursus no
subversoens Estadu nian, karik utiliza sasan no ekipamentu fasilitadu husi
servisus públikus (hanesan electrisidade, bee moos, transportes, komunikasoens,
no seluk tan) atu promove hábitu diak ba utilizasaun, manutensaun,
konservasaun, evita mós atu estraga sasan no gastus ne’ebé la nesesárius, ka
estragus ba propriedade públika,” Taur fó atensaun.
Jornalista: Rafy Belo | Editór :
Manuel Pinto
Imajen: Primeiru Ministru, Taur
Matan Ruak
Sem comentários:
Enviar um comentário