PADRE MARTINHO GUSMÃO: MEMBRU VIII GOVERNU LAIHA ABILIDADE

Padre Martinho Gusmão, hateten, povu depózita fiar liu husi Governu ida atu rezolve povu nia problema, la’os atu aumenta no hatodan tan problema povu nian.

Tuir padre Martinho nia haree, Governu agora ne’e la’os atu rezolve povu nia problema, maibé hatodan tan problema povu nian. Tanba tuir padre Martinho nia haree, VIII Governu ne’e membru Governu barak liu.

“Estadu agora la’os rezolve povu nia problema, maibé rezolve fali membru VIII Governu sira nia problema. Agora ne’e ita hili para atu rezolve povu nia problema, maibé aumenta tan ita-nia problem,” hateten Padre Martinho Gusmão, ba GMN iha Edifisiu Bebora Dili, Kinta (21/06) kalan, hafoin tuir grande entrevista iha estudio GMN.

Tuir Padre Martinho Gusmão katak, Governasaun ne’ebé mak atu efetivu ne’e, ema labele bou hamutuk. “Bainhira bou hamutuk laiha dis-kualitativa, signifika ita tau ema dala ruma latuir ema nia abilidade ka skill, ida ne’e inves halo ema ne’e  ba servisu hodi servi povu, maibe servisu iha dalan klaran  monu tiha, tanba Governu agora todan povu halo konta hein to’o baruk,”katak Padre Martinho.

Nia haktuir, Governante sira tenki moos husi kazu, para servisu ho fuan no laran moos, hodi servi povu. “Governante ida ne’ebé mak sei iha kazu, maibé ativu iha VIII Governu, ida ne’e fó impaktu mós ba AMP ba tinan lima mai, tanba antes ne’e públiku mós husu ba VIII Governu para tau ema tenki mós husi sala,” katak Padre Martinho.

Entretantu tuir lista ne’ebé mak iha membru VIII Governu ba tomada de pose hamutuk ema 30, Prezidenti Repúblika, Francisco Guterres ‘Lú-Olo’ hasai ema 12, tanba diskonfia involve iha kazu.aba

GMN TV | Grupo Média Nacional