PLANEAMENTU URBANA DILI SEI PROBLEMA

DILI - Relasiona ho politika governu ne’ebé tenta hela planeamentu urbana iha sidade Dili, maibe Ministru Planeamentu no Investementu Estrategiku (MPIE), Kay Rala Xanana Gusmão, hatete sei problema bo’ot tanba kompensasaun. “Ami iha ona esperensia ida katak ita bo’ot sira sai husi ne’e, labele hela iha ne’e. komunidade sira fila hatete, ita boot sira mai viola ona kostituisaun. Ami dehan tanba sa, sira resposta viola kostituisaun tanba ita nia inu nasional dehan terra libre povu livre, agora tera livre tiha ona povu la livre, ne’ebé ami la sai husi ne’e,” Eis primeiru ministru ne’e haktuir hafoin reprejentante povu kestina, iha parlamentu semana liu ba.

Xanana dehan problema sira ne’e mak sei sai impaktu ba planeamentu urbana Dili nian. Eis Primeiru Ministru ne’e hateten foin mak atu komesa, tanba Governu  hein hela duadesimu ne’ebé foin simu husi obras publikas ne’ebé sei iha kordenasaun diak ba malu. Entretantu Ministru ba Obras Publika Trasporte no Komunikasoens (MOPTK), Gastão Francisco de Sousa hatete, planu urbana ba  sidade Dili ohin loron ajensia internasional husi Japaun (JAICA) mak fo asistensia teknika. “Ne’ebé tuir dekretu lei, sei pasa fali ba iha Ministeriu Planeamentu no Investementu Estrategiku (MPIE), tanba dokumentus MOPTK sei intrega hotu atu hare planu urbanizasaun ne’ebé iha,” dehan Gastão. (BT)

Business Timor