Autor
prinsipal husi kazu tá membru FALINTIL-Força Defesa de Timor Leste (F-FDTL) iha
eis Merkadu Becora, seidauk kaptura to’o ohin loron.
Membru
F-FDTL ne’ebe sai vitima ne’e husi Componente Naval ho naran kompletu
Bernadino Guterres soldadu prontu, hetan tá iha parte liman karuk ne’ebe
rezulta liman fuan ikun besik kotu. Kazu ne’e akontese tuku 20:00 Otl, Domingu
(15/01/2017), wainhira membru ne’e para atu sosa sigaru.
Iha
tempu ne’eba kedas membru F-FDTL ne’e hetan primeiru sokuru lori liu ba
Hospital Nasional Guido Valadares (HNGV) hodi hetan tratamentu intensivu ba
ninia kondisaun saude.
Segundu
Komandante Polisia Munisipiu Díli, Asistente Superintendenti Polisia
Euclides Belo informa, kazu Becora ne’e joven lubuk hala’o agresaun fiziku hodi
rezulta forsa nain ida hetan kanek, autor prinsipal ba kazu ne’e seida’uk
kaptura.
“Autor
prinsipal husi kazu ne’e sai ona buronan polisia nian,” hateten Euclides
Belo ba Jornalista sira iha ninia knar fatin, Caicoli-Díli, Segunda
(16/01/2017).
Nia
hatutan katak emidiatamente patroilla polisia nian ho forsa rezerva apoiu
husi Polisia Militar (PM) kaptura ona ema nain 30 no detein hela iha sela
eskuadra Becora nian para hala’o identifikasaun no rekoella informasaun husi
sira hodi hatene loloos autór ne’ebe loos hala’o asaun fiziku hasoru
forsa ne’e.
Nu’uda
kontinuasaun husi akontesimentu iha Domingo (15/1) kalan, maka Forsa sira husi
komponente Naval iha Segunda feira (16/1) kontinua halo operasaun ba autor
prinsipal sira ne’ebé mak tá membruF-FDTL ne’e.
Operasaun
ne’ebé hala’o iha dadersan kuaze tuku 09 liu ne’e, la konsege halo kapturasaun
tanba autor sira halai lakon hotu depois akontesementu iha Domingo kalan.
Iha
operasaun sesaun dader ne’e, foka liu ba buka tuir autór prinsipál, maibé
kontinua la konsege kaptura autór sira. Nune’e operasaun kontinua fila fali
hala’o iha meudia no konsege kaptura tan joven alezadu ida ne’ebé nia maluk
sira temi nia naran ne’ebé deskonfia katak nia mós involve kazu agresaun fíziku
hasoru membru F-FDTL iha Becora ne’e.
No
operasaun kontinua fali hala’o iha Segunda kalan kuaze 20:00 otl hodi buka tuir
nafatin autór prinsipál sira.eus
Jornal
Nacional
Sem comentários:
Enviar um comentário