Antigu
Prezidente Timor-Leste nian, José Ramos Horta, sei fahe ho instituisaun sira
Guiné-Bissau nian esperiénsia timoroan nian ba rekonsiliasaun nasional iha
simpóziu ida ne'ebé halo iha lroon 27 no 30 Janeiru iha kapital guiniense,
informasaun ne'ebé fó sai iha loron-tersa ne'e hosi organizasaun.
"Hasoru
pasadu hodi harii Guiné-Bissau loron aban nian", hanesan títulu hosi
eventu ne'ebé hakarak tulun nasaun hodi hadi'a kanek sira entre dirijente
guiniense sira no hakotu siklu sira estabilidade nian.
Hanesan
refleksu hosi situasaun, iha de'it lejislatura ne'e, hahú iha tinan rua ho
balun liubá, nasaun ne'e iha ona governu lima.
José
Ramos Horta hanesan konvidadu onra nian hosi enkontru ne'e no fila ba Bissau
hafoin iha tinan 2014 hakotu tiha misaun ida nu'udar reprezentante espesial ONU
nian iha Guiné-Bissau.
Simpósiu
internasional organiza hosi komisaun ida ne'ebé hahú hosi tinan 2009 prepara
hela Konferénsia Nasional "Dalan sira ba Dame no Dezenvolvimentu".
Serbisu
ne'e hetan interupsaun iha 2012 ho golpe ida Estadu nian no hahú fali iha tinan
2015 ho apoiu hosi ONU no hosi Governu Timor-Leste nian.
Komisaun
rona ona ema rihun tolu resin iha teritóriu tomak Guiné-Bissau nian hodi
organiza konferénsia ne'ebé permiti "hili dalan ida rekonsiliasaun
nasional nian ba Guiné-Bissau", hatete hosi organizasaun.
Hakarak
"ataka kauza sira hosi konflitu no hakerek istória hanesan hosi ema
guiniense sira hodi nune'e nasaun bele loke dalan foun no avansa ba
dezenvolvimentu", lahó polítika sai hanesan refleksu hosi dezakordu sira
ne'ebé halo hosi jerasaun sira.
Simpóziu
nia objetivu sira maka "ajuda hodi mantén impulsu hosi preparativu sira ba
konferénsia nasional" no halo sidadaun sira hatene liu kona-ba asuntu
ne'e.
SAPO
TL ho Lusa
Sem comentários:
Enviar um comentário