TL Hakarak Hetan FM, Tenke Foti Risku

DILI – Timor Leste (TL) agora iha nia posisaun metin atu foti risku ba nia aan, tamba nee tenke hakotu tratadu CMATS ho Australia, hodi rezolve Fronteira Maritima (FM).

Tuir Deputadu Bankada CNRT Cesar Valente katak uluk povu TL luta tinan 24, oferese povu nia vida tomak hodi defende ukun rasik aan, agora mos hanesan hakarak hadau soberania tenke foti risku katak hamalaha ka mate, maibe TL nia soberania tasi nia tenke hetan.

Ita hakarak hadau ita nia soberania total, ita tenke foti nia risku, uluk ita manan ukun rasik aan ita tenke oferese ita ema ba mate oferese ita nia vida, ida nee maka risku, tanba nee agora soberania ameasa ita nia liberdade, ita nia direitu ita tenke foti risku,” hateten deputadu Cesar, ba STL iha Paralmentu Nasional, kuarta (18/01/2017).

TL bele hakotu kontratu hotu ho Australia, mina Bayu Undang sei sustenta povu TL, maibe koandu besik mina nee maran, governu tenke foti medidas seluk hodi fura mina matan foun, governu la bele demora.

Iha parte seluk Direitor Asosiasaun Hak Manuel Monteiro hateten Akordu CMATS maka loke dalan ba esplorasaun mina iha Tasi Timor, tanba nee kuinesidu buat ida ho JPDA.

Nune mos Observador Politika Paul Gomes hateten TL ho politika diak halo negosiasaun ho Australia no nasaun rua aseita hodi hakotu tratadu CMATS nee ba konkorda iha 2002. Informasaun kompletu iha STL Jornal no STL Web, edisaun Kinta (19/1/2017). Joao Anibal

Suara Timor Lorosae