Lei Iha TL Hanehan Povu Kiik Duke Ema Boot

ILI – Lei neebe ukun nain sira durante nee halo vigora iha Timor Leste (TL), bale ba sidadaun hotu, wainhira aplika lei sira nee vale deit ba povu kiik ba ema elit sira lae.

Neduni povu kontinua halerik ba justisa iha Timor Leste, tamba durante nee diskonfia justisa iha Timor Leste nakonu ho diskriminasaun relasiona ho desizaun tribunal ba iha eis membru governu neebe mak komete halo hahalok koruptu.

Ami hatete lei nee vigora tenke vale ba ema sidadaun hotu iha TL, laos halo diskriminasaun, maibe ita hatene katak lei nee intervene politika maka makas, tanba nee kadeia neeba kastigu deit ema povu sira neebe halo sala, maibe ukun nain sira neebe komete krimi, sira husik livre, hanesan Eis Ministra Finansas Emilia Pires, Eis Prezidente Paralmentu Nasional Vicente Guterres ho lider sira seluk tan,” hateten Observador Politiku Luis dos Santos, ba STL iha nia knar fatin, Fatu-Hada, Dili, Kuarta (18/01/2017).

 Iha fatin ketak, tuir Deputadu Jorge Teme katak koalia kona ba lei iha ema ida mak lei nia leten, maibe ema hotu-hotu iha lei nia okos inklui mos arguida Emilia Pires.

Entertantu, tuir akademiku Justino Soares katak lei nee hanesan buat maten ida no lei ida nee aplika ba ema hotu, tantu husi membru governu too iha povu kiik. Tamba nee, bele dehan lei la iha espasiu no fatin ba ema se deit inklui membru governu. Informasaun kompletu iha STL Jornal no STL Web, edisaun Kinta (19/1/2017). Joao Anibal

Suara Timor Lorosae