Lere: “Hau la kandidata Aan ba Prezidente Republika”

DILI - Xefi Estadu Maior Falintil Forsa Defeza Timor Leste (F-FDTL) Major General Lere Anan Timur rezeita informasaun iha publiku neebe espaila, katak nia kandidata Aan ba prezidente Republika periode 2017-2022.

Hau la kandidata Aan, hau kandidata Aan karik kleur ona tamba prioridade ba hau laos kandidata Aan ba prezidente Republika, maibe importante liu mak estabilidade nasional,” dehan Lere ba Jornalista Kuarta (18/01/2017) iha Palasiu Prezidensial Nicolao Lobato.

Nia hatete timor oan harii nasaun no hetan ukun Aan laos maromak mak fo maibe Timor oan sira fakar ran no soe ema barak nia isin tan nee Timor Leste tenki kaer metin nasaun ho hakmatek.

Nia hatete kuandu problema iha forsa prezidente mos labele intervene maibe komandante deit mak bele intervene, tan nee atu sai prezidente nee kareira ida no ultima kareira mak ida nee ona.

Antes nee Eis Prezidente Republika Jose Ramos Horta katak nasaun nee Prezidente Republika tenki iha ema ida neebe la iha partidu liu-liu iha 2017, ema nain tolu sei infrenta malu tan nee tenki  iha prezidente ida neebe mak koalia hotu-hotu rona. Informasaun kompletu iha STL Jornal no STL Web, edisaun Kinta (19/1/2017). Timotio Gusmao

Suara Timor Lorosae