Xefi
Ezekutivo Camara Comercio Industri-Timor Leste (CCI-TL), Nunu do R.
Trindade, konsidera katak, ema balu kestiona katak, emprezario hetan
projeto buka uluk mak sa’e Prado ka kareta diak, maibe hau atu dehan katak,
emprezario tenke sa’e kareta diak duni, emprezario mak la’o ain deit iha
ailaran ne’e la’os emprezario, tanba emprezario la’os aktivista, maibe bisnis
susesu mak sa’e prado.
Nia
hatutan, kritiku sira ne’ebe mak halo husi publiku konstrutivo teb-tebes, tanba
iha Timor fundamental teb-tebes obstakulu ne’ebe setor pribadu hasoru ida mak
asesu ba kapital, kapasitasaun, katak kapasitasaun negosio menus teb-tebes.
“Ami
simu kritikas sira ne’e, ami buka hadi’a, maibe atu hadi’a la’os ami mesak
deit, ita hot-hotu hamutuk buka solusaun, hanesan ema kestiona katak emprezario
sira kaer projeito laiha kualidade ne’e la’os CCI-TL mak atu tun fali ba hare,
maibe Governu iha nia mekanismu rasik atu halo kontrolu no inspeksaun,” Nunu
hateten hodi responde JNDiario iha nia servisu fatin, Sesta (13/1/2017).
Nia
akresenta katak, CCI-TL iha responsabel moral hodi hato’o ba emprezario sira
hodi kaer projeto tenke iha kualidade.
“CCI-TL
serbisu hamutuk ho Governu hodi koordena ho Banku hodi bele asesu kritiku ba
emprezario sira, desde kedas tinan hirak liu ba bainhira ami simu mandatu foun
ne’e, ami tau kedas prioridade ba programa ne’e,” Nunu esplika.
Nia
dehan, hafoin aprosima tiha baku sira, oras ne’e dadauk iha duni rezultado
ne’ebe mak iha progresu pozitivo teb-tebes, tanba Governu tau ona orsamentu
lubuk id aba iha banku sira hodi fo kredito ba setor pribadu sira ne’ebe eskala
mediu. mia
Sem comentários:
Enviar um comentário