segunda-feira, 16 de janeiro de 2017

Prezidente Filipina haruka bombardeamentu hasoru extremista ho nia refén sira

Prezidente Filipina, Rodrigo Duterte, fó sai katak nia haruka nia tropa sira hodi so'e bomba ba extremista sira ne'ebé halai ho refén sira, hodi hapara asaun sekuestru iha tasi, hodi hanaran "estraga kolateral" ba ema sivil sira ne'ebé mate.

Duterte hatete antes katak nia fó ona konsellu ba nia homólogu indonéziu ho malaiu sira hodi halo nakfera militante sira ne'ebé naok mariñeiru sira iha bee sira ne'ebé nasuan tolu ne'e halo parte no lori refén sira ba súl Filipina nian. Prezidente hatete katak fó ona orden hanesan ba forsa filipinu nian.

Xefe Estadu filipinu hatete ba mariña no guarda kosteira katak "bainhira iha naok-teen sira no sira tenta halai, bele halo bombardeamentu hasoru sira".

"Ko'alia kona-ba "refén sira". Deskulpa, [sira hanesan] estraga kolateral sira", nia hatete iha diskursu ida ba emprezáriu sira iha Davao.

Tuir Duterte, abordajen ne'e sei permiti atu Governu aserta konta sira ho militante sira ne'ebé husu resgate. "Sira labele manán pontu sira tanba sira nia asaun aat. Ha'u sei rebenta duni ho sira", nia hatete.

Nia konsellu ba potensial vítima sira? "Labele husik atu ema naok".

Komentáriu sira Duterte nian mosu kona-ba susar sira ne'ebé nia nasaun, hamutuk ho Malázia ho Indonézia, hasoru hodi hapara asaun oioin naok nian ne'ebé halo hosi grupu extremista sira hanesan Abu Sayyaf.

SAPO TL ho Lusa

Sem comentários: