CPLP tenki koloka alimentasaun iha sentru kooperasaun ba dezenvolvimentu - FAO

Reprezentante FAO iha Portugál no CPLP deklara iha horisehik katak bloku luzófonu iha kondisaun atu koloka alimentasaun iha sentru kooperasaun ba dezenvolvimentu, ne’ebé  bele permite hadi’a vida ninia abitante sira.

"Komunidade Nasaun  Lia-Portugés (CPLP) iha kondisaun hotu atu koloka alimentasaun hanesan sentru iha ninia prosesu kooperasaun ba dezenvolvimentu no Organizasaun Nasoins Unidas ba Alimentasaun no Agrikultura (FAO) bele simu ho kontente atu kontinua apoiu esforsu hirak ne’ebé halo ona hosi parte nasaun hirak ne’e" bloku luzófonu nian, afirma ba Lusa Francisco Sarmento.

Tuir  Sarmento, ne’ebé  assume kargu reprezentante FAO iha dezembru, nesessidade dahululuk   umanu nian, "ida ne’ebé maka fundamental liu, sempre sai sentru hosi ita nia  preokupasaun sira, hanesan alimentasaun".

"Hau hanoin katak iha ideia kona-ba nasaun ida relasiona ninia hahan, Nasaun sira  CPLP nian iha, realidade,  patrimóniu ekokultural komun relevante tebes", nia refere.

Ba responsável FAO, portugés ida ne’ebé  hela iha Angola no Brazil, patrimóniu komun harii ona iha dékada ikus, iha tinan hirak ikus ne’e, inklui iha  premissa komun oioin no ida maka konkista liberdade, tanba "nasaun afrikanu sira konkista ninia independénsia no Portugál konkista moos ninia liberdade".

"Ho forma ne’e maka patrimóniu komun ekokultural iha, tuir  polítiku no sosiál, relasiona moos ba  liberdade ", hatete Sarmento, ne’ebé  okupa kargu seluk iha FAO.

"Liberdade ho  sentidu materializasaun liuhosi aspirasaun direitus umanus ida ne’ebé permite  ba ema hotu la’o ba dalan ida di’ak", nia hatutan.

Tuir  reprezentante FAO ne’e, " CPLP iha  potensiál boot no, karik konsege fó resposta ba eransa  ne’e no halo alimentasaun sai sentru iha prosesu dezenvolvimentu nasaun sira, (...) bele hadi’a di’ak liu kondisaun vida ba maioria ninia abitante billaun 250 ".

Francisco Sarmento afirma katak  prioridade prinsipál FAO nian kona-ba  CPLP maka apoiu implementasaun estratéjia seguransa alimentar no nutrisionál ne’ebé nasaun  bloku sira aprova iha 2012.

Responsável ne’e afirmakatak fundamentál no primordiál partisipasaiun ida multissetorial, hosi Governu no aktor relevante seluk, liuhosi  esforsu ba implementasaun estratéjia seguransa alimentar no nutirisionál iha bloku luzófonu.

Durante  Konferénsia Xefe Estadu no Governu CPLP badala IX  iha Maputo, 2012, aprova ona Estratégia Regional de Segurança Alimentar e Nutricional (ESAN-CPLP), ne’ebé  apoia institusionalizasaun progressivu iha tema Seguransa Alimentar no Nutrisionál (SAN).

Iha konferénsia hanesan aprova moos konstituisaun Konsellu Seguransa Alimentar no Nutrisionál CPLP (CONSAN-CPLP), rekomenda hosi Konsellu nasionál.

"Felizmente, ha’u hanoin katak estratéjia CPLP ne’e badak, foka tebes. Nia iha deit prioridade tolu, maibé lasignifika katak laezije serbisu ida ho dimensaun ruma", nia hatete.

"Prioridade hirak bne’e maka hadi’a governasaun ho sistema alimentar, protesaun sosiál no fortalesimentu agrikultor familiar. Kona-ba eixu tolu ne’ebé,maioria, apoiu hosi FAO sei hetan alokasaun", nia hatutan, no haktuir tan katak nasaun sira " avansa ona ho asaun hamutuk kada ida hosi  eixu tolu ne’e".

Tuir responsável ne’e, agora, kuaze nasaun CPLP hotu, iha faze diferente,  iha konsellu nasionál seguransa alimentar no nutrisionál no "ne’e hanesan  vitória ida ne’ebé klaru no konkista ida iha estratéjia (ESAN)".

"Nasaun balun seidauk hahú prosesu ne’e, maibé prosesu ida ne’ebé konsolida hela ba ritmu ida di’ak. Ne’e hanesan  prioridade dahuluk iha estratéjia, ba FAO  hanesan motivu ho orgullu no motivu ida atu  fó apoiu prioritáriu prosesu iha nasaun hotu", nia hatutan.

SAPO TL ho Lusa