Militante Partidu ASDT Railaco Afilia ba CNRT

DILI - Militante husi Partidu Asosiasaun Sosial Demokrata Timorense (ASDT) kuaze 140, iha suku Railaco Craik, postu Administrativu Railaco, Munisipiu Ermera afialia ba partidu CNRT.

Tuir Porta Vos Partidu ASDT neebe Afilia ba CNRT Jermenino da Costa hatete militante neebe uluk involve aan iha partidu ASDT, deklara ba Lideransa partidu CNRT ho estrutura hakarak afilia ba partidu CNRT.

Ami neebe uluk involve iha partidu seluk hanesan ASDT hakarak deklara ba lideransa partidu CNRT no estrutura tomak katak Ami militante husi ASDT hamutuk 140 afilia ba CNRT,” dehan Jermenino liu husi seremonia afiliasaun no konsolidasaun partidu CNRT, iha Suku Railaco Kraik Domingu (15/01/2017).

Nia hatete Militante partidu ASDT prontu afilia ba partidu CNRT ho rajaun hare problema partidu CNRT nian neebe diak tuir realidade neebe mak oras nee povu senti iha baze liu husi dezemvolvimentu.

Iha fatin hanesan Kordenador partidu CNRT Munisipiu Ermera Domingos Lemos Lopes hatete, program afiliasaun husi ASDT ba CNRT nia parte konsidera sidadaun neebe mak mesak matenek tamba hili Partidu la sala. Informasaun kompletu iha STL Jornal no STL Web, edisaun Tersa (17/1/2017). Timotio Gusmao

Suara Timor Lorosae