PN Fraku Halo Fiskalizasaun

DILI – Organizasaun Naun Govermental iha rai laran konsideira Parlamentu Nasional (PN) fraku halo fikalizasaun iha terenu, tanba nee Governu kontinua deve kompana sira neebe maka implementa projetu iha rai laran.

Diretor ONG Gertak Faustinho Magno hateten, kada semana semana deputadu sira foti mina estadu nian, ense ba kareta hodi halo fiskalizasaun iha terenu laiha rezultadu, nunee halo Governu kontinua deve emprezariu sira laselu to ohin loron.

Ita nia deputadu sira kada semana semana foti mina estadu ense ba kareta hodi halo fiskalizasaun ba terenu laiha rejultadu, tanba ita nia Governu kontinua deve ita nia kompana sira neebe maka halo projetu iha rai laran,” dehan Faustinho bainhira dada lia ho STL, iha Pereumnas Dili, Segunda (16/01/2017).

Governu tuir Faustinho katak, iha Orsamentu Ratefikativu 2016 ho montante Millaun 73, hodi selu tusan ba projetu emerjensia neebe implementa iha tinan 2013, nee hatudu katak, Governu fraku iha jestaun no Parlamentu Nasional fraku iha fiskalizasaun.

Iha fatin ketak membru PN husi bankada CNRT Jacinto Viegas hateten, deputadu sira foti mina estadu lori ba halao servisu nee lalaos, fiskalizasaun nee halo komisaun sira maka ba halo fiskalizasaun tuir saida maka komisaun nee responsabiliza. Informasaun kompletu iha STL Jornal no STL Web, edisaun Tersa (17/1/2017). Carme Ximenes

Suara Timor Lorosae