JORNALISTA LAIHA UNIDADE

Secretário Estado Comunicação Social (SECOMS), Nelio Isaac hatete, problema mis komunikasaun entre jornalista ho funsionariu iha Aeroportu tanba jornalista rasik la unidade.

“Iha loron hirak liu ba, hau haree jornalista sira halo protestu ba  Konselhu Imprensa tanba halo diskriminasaun iha aeroportu, tanba deit fo oportunidade ba RTTL, jornalista sira seluk la tama ida, karik hau mak jornalista RTTL mos hau la tama ida, tuir lolos solidaredade mos ba jornalista sira seluk”, hatete SECOMS  ba jornalista sira iha Pálasiu Governu, Dili, Sesta (13/01), iha seremonia lansa jornalista nain 10 ba tuir formasaun iha LPDS Jakarta,  Indonesia.

Nia hatutan tamba laiha unindade entre jornalista sira hodi nunee halo imi han malu, jornalista tenki unidade hodi halo kontrolu social nebe forte ba politiku sira.

 “Ida ne’e hau preokupa desde uluk kedas to’o agora, ho ne’e hau espera katak  ita bo’ot sira bele hanoin, hametin fila fali unidade entre jornalista sira hodi labele mosu tan diskriminasaun ba jornalista sira” dehan Nelio.

 Nelio Isaac hatutan, diskriminasaun ne’e laos mai husi orgaun Estadu sira, diskriminasaun ne’e parese mos mai husi imi, haree ba RTTL tama ona tanba RTTL sira mos senti an diak ona, ne’ebe maluk sira seluk la tama-latam naran katak RTTL tama, se imi  hanesan, imi maka fo fali vantazen ba instituisaun Estadu atu hodi eskolha ka hili fali duni jornalista sira, ne’ebe espera katak ba oin imi tenki hametin imi nia unidade ne’e.

“Ezempu Parlamentu haruka RTTL tama, restu iha liur, ne’e RTTL bele foti desizaun ida katak se haruka ami mesak tama, kolega seluk iha liur, entaun ami mos desidi hodi la tama hotu hodi nune’e sira mos labele halo diskriminasuan, fo imi tama hotu. Klaru RTTL institusaun Estadu nian maibe profesaun jornalista ne’e hotu hotu hanesan,” Nia hatete.

Maibe akontesementu ida liu ba ne’e, semana kotuk iha aeroportu ne’e, tenki agredese tanba hanesan lisaun ida ba imi hotu hodi profesionaliza kakukat no hanoin no mos profesionaliza tan profesaun ne’ebe imi asumi ba.

Akontese ba kazu jornalista Timor Post ho funsionariu Aeroportu ne’e wainhira artista Maria Vitoria atu fila ba Jakarta Indonesia iha loron Segunda (09/01) semana kotuk, to’o iha ne’eba, funsionariu sira iha Aeroportu nian fo tempu ba jornalista husi TVTL maka tama uluk ba laran jornalista husi Timor Post la hatan tama ba laran, nune’e hodi mosu dezentemendementu  hodi haksesuk malu iha portaun Aerportu ninian. Des

Jornal Nacional