quarta-feira, 8 de março de 2017

PM timoroan defende liu poder sosial no ekonómiku ba feto sira

PARTILHAR
Iha loron-tersa ne'e primeiru-ministru apela ona ba mane sira no labarik-mane sira iha nasaun ne'e hodi sai ativu liu iha apoiu ba asaun sosial no ekonómiku ba feto sira, prosesu ne'ebé nia konsidera importante ba konstrusaun hosi sosiedade moderna ida iha Timor-Leste.

"Hanesan mane, aman no primeiru-ministru Timor-Leste nian, ha'u nia mensajen maka ba mane sira no labarik-mane sira. Ita tenki kaer knaar ida ativu liu, apoia no fó posibilidade ba aumentu kompeténsia sosial no ekonómiku hosi feto sira", hatete hosi Rui Maria de Araújo, iha mensajen ba Loron Internasional Feto nian, ne'ebé selebra iha loron-kuarta.

Nia konsidera katak "karga serbisu ne'ebé maka'as" iha uma laran no iha liur tenki fahe entre jéneru rua, Rui Araújo fó hanoin hikas katak feto timoroan sira hanesan "forte no rezistente", sira iha ona knaar importante ida iha libertasaun nasaun nian no kontinua "kaer knaar importante ida iha dezenvolvimentu sustentável" Timor-Leste nian.

Xefe Governu hatete katak, maski hosi progresu sira, Timor-Leste seidauk hanesan sosiedade ida ba igualdade jéneru nian, ho dezigualdade ne'ebé bele haree iha fatin oioin iha nasaun ne'ebé feto sira kumpri funsaun duplu sira.

"Serbisu ne'ebé maka feto sira no labarik-feto sira halo hanesan parte hosi sira nia dever doméstiku antes hahú jornada formal hosi serbisu hanesan maka'as no labele sukat no laiha konsiderasaun. Hanesan hetan no hanesan expetativu ida ne'ebé monu ba feto sira no labarik-feto sira", nia fó hanoin.

Nune'e, nia konsidera, katak futuru nasaun nian sei liuhosi harii sosiedade ida ne'ebé, ho dalan automátiku, la'ós hein de'it katak feto sira halo knaar doméstiku sira, permiti partisipasaun kompletu ida no hanesan iha merkadu serbisu nian.

"Bainhira iha sosiedade ida ne'ebé igualitáriu entre seksu sira, ita sei iha Timor-Leste ida produtivu liu prontu hodi hasoru dezafiu sira nasaun nian", nia hatete.

SAPO TL ho Lusa - Foto@ António Casais
PARTILHAR

Author: verified_user

Publicação luso-timorense sem fins lucrativos

0 comentários: