quarta-feira, 8 de março de 2017

Austrália rekorda vítima MH370 ne’ebé lakon tinan tolu liubá

PARTILHAR
Austrália iha ohin rekorda fila fali  vítima hosi vou MH370 Malázia Airlines, iha loron ne’ebé pasa ba  tinan tolu dezde aviaun lakon ho ema  239 iha  oseanu Índiku,  maka  to’o agora seidauk hetan.

"Aniversáriu badatoluk  ba lakon Aviaun  MH370 Malaysia Airlines husik ami, maski, laiha resposta no pergunta barak", hatete  ministru Transporte, Darren Chester, liuhosi serimónia relijioza iha  Brisbane.

Chester afirma katak prosesu buka tuir ba aviaun ne’e "istóriku" no "eroiku" no  haktuir katak  maski iha frakasu, família vítima sira "lahaluha".

"Maski laiha susesu to’o agora, ami mantein nafatin esperansa katak iha tempu ruma ba futuru sei mosu  avansu no bele hetan  aparellu no nune’e fó resposta ba sira nia pergunta", hatete Chester.
Serimónia ne’e realiza hafoin loron ida  familia passajeiru 15  aprezenta  asaun ida ba justisa Malázia kontra kompañia aérea, governu malaiu no organizmu sira seluk  ho neglijénsia.

Boeing 777-200ER lakon hosi radares iha loron 08 marsu 2014, besik minutu 40 hafoin  sai hosi Kuala Lumpur, ho destinu ba Pekin no hafoin ema ruma taka tiha  sistema komunikasaun no fila tiha  aparellu, tuir  investigasaun ofisiál.

Peritu sira estima katak  aviaun ne’e monu iha zona remota iha oseanu Índiku bainhira kombustível hotu.

Iha aviaun ne’e  hamutuk  xinés na’in 154, malaiu 50, inklui  tripulante 12, hitu  indonéziu, hitu  australianu, lima indianu, haat  fransés, tolu norte-amerikanu, rua neozelandes, rua ukranianu, rua  kanadianu, ida  russu, ida  olandés no rua  iranianu.

Autoridade Malázia, Austrália no Xina anunsia iha  17  fulan-janeiru katak konklui ona buka tuir ne’e  hafoin laiha susesu ba mapeamentu iha área ida ho  kilómetru 120.000 kuadradu hosi leitu mariñu ne’ebé fiar katak iha pedasu  aviun nian.

To’o agora  rekupera deit pesa hosi  aviaun iha tasi  illa fransés Reuniaun, Mosambiké, Maurísia, Áfrika do Sul no  illa Pemba (Zanzibar), ne’ebé  dada hosi bee korrente Índiku nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: