DILI,
(ANTIL) – Movimentu feto Timor-Leste (TL) selebra loron feto internasionál
nu’udar korajen igualdade jéneru entre feto no mane ne’ebé partisipa iha vida
polítika hodi kompete, festa demokrásia.
“Selebrasaun
ne’ebé monu iha 8 Marsu hanesan motivasaun boot no prinsípiu igualdade atu luta
nafatin direitu feto ne’ebé involve iha eleisaun prezidensiál no parlamentár”,
Diretora Jerál CAUCUS, Paula Cortereal nu’udar porta vóz ba ANTIL iha Fokupers
Faról, Kuarta (8/3).
Kandidata
Ángela Freitas ho númeru sorteiu neen ne’ebé kompete ho mane nain hitu tanba
korajen, brani, ho rekursu privada atu avansa hodi prioritiza asuntu feto iha
nasaun ne’e.
Paula
dehan, Movimentu suporta morál no tékniku hodi promove perfil, vizaun no misaun
hodi avansa ba kampaña iha munisípiu hotu.
Diretora
Alola Foundation, Alzira Reis hatutan, durante ne’e sira aproxima ba kandidata
úniku atu tau programa feto no labarik iha nia programa.
Loron
ne’e, Movimentu rekomenda ba kandidatu hotu atu prioritiza asuntu feto no
labarik. “Ami nakloke ba se de’it mak eleitu, hosi prinsípiu sira iha programa
ne’ebé eleva feto no labarik hosi diskriminasaun”, Diretora Alola dehan.
Entretantu,
membru Rede Feto, Laura Abrantes hateten, feto mak halo mundu nakonu, kandidata
Freitas úniku ho maturidade reprezenta feto nasaun ne’e hodi kandidata-án. (Jornalista
Zezito Silva - Editora: Rita Almeida)
Foto:
Movimentu Feto Timor-Leste selebra loron feto internasionál iha Fokupers Faról,
Kuarta (8/3). Foto ANTIL/Zezito Silva
Sem comentários:
Enviar um comentário