ÂNGELA FREITAS HUSU FORSA LABELE VIOLA DIREITUS HUMANUS

Kandidata Prezidente Repúblika (PR) independente numeru sorteu  6, Maria Angela Freitas da Silva, iha ninia kompremisiu, iha kampanha ba loron dala rua, Sabdu (04/03/2017) husu ba forsa armadas labele viola direitus humanus.

“Forsa armadas la’os atu ameasa povu ita la presiza tan ida ne’e, tanba  ne’e povu hakribi ona ho kilat musan, povu hakilar ona ho kilat ninia nain, povu hakarak moris hakmatek.  Nudar PR  jero toleransia ba forsa  ne’ebe que  goza direitus humanus,”hateten Maria Angela Freitas da Silva, liu husi ninia kampañia iha Tasitolu-Dili.

Tuir nia katak, forsa mosu atu proteje ninia povu no as egura ninia soberania  tasi no rai maran no lalehan. Tanba  ne’e formasaun ba forsa armadas importante tebes nune’e bele sai amigo diak iha povu ninia  le’et, la’os fali lori forsa ho kilat  hodi ameasa povu sira.

“Tanba situasaun ne’ebé mak forma iha ita nia rai laran hatudu momos katak, ita ninia ukun nain sira utuliza ita ninia forsa ba sira ninia benefisu, ne’e duni Prezidente  ne’ebé sei sai Komandante Supremu ba defesa, ha’u sei jero toleransia ba hahalok forsa sira  ne’ebé utuliza povu ho kilat no ameasa iha povu ninia le’et,”afirma Angela Freitas.

Nia hatutan, tempu agora tempu konstruksaun de Estadu, oinsa mak Estadu bele dudu ekonomia no dezenvolvimentu ba  povu Timor-Leste, tanba povu inosente ba ukun rasik a’an ida ne’e.

“Maibe  ohin loron  ita kontinua haburas korupsaun, ita ninia justisa hasai disizaun ba koruptor sira, maibe ita ninia ukun nain la brani kaptura koruptor sira,”hateten Angela Freitas.

Tanba  ne’e duni, wainhira eleitu ba PR, Angela Freitas, promete katak,  sei lori koruptor sira ba iha kumarka  ka ba lori ba fera rai iha Natarbora hodi halo natar.

“Ba kazu korupsaun jero toleransia, tanba korupsaun mak hamate prosesu dezenvolvimentu  iha rai laran, tanba  ne’e duni ba koruptor sira atu halo reflesaun oinsa mak sir abele responsavel ba krimi ne’ebé mak sira komete atu nune’e it abele hatudu izemplu ne’ebé mak diak no hatudu imajen diak iha mundu internasional atu nune’e it abele kontrui nasaun ne’e ba oin,”hateten Angela Freitas.

 Nune’e mós iha ninia kampañia politik ne’e husu labarik sira atu hadok a‘an  husi  fatin kampaña, tanba labarik tinan sei ki’ik liu labele partisipa kualker atividade relasaun ho atividade refere.

Durante kampañia ne’e hala’o hetan observasaun husi observador Internasional  no nasional, Comisão Nacional Eleições (CNE).avi

Jornal Nacional Diário