PARPOL Barak Lahalo Edukasaun Sivika ba Militante

DILI – Partidu Politiku barak nunka halo Edukasaun sivika ba Militante inkliu kaderniza lideransa, tan nee lideransa partidu nunka iha mudansa no dala ruma mosu konfrontasaun kiik iha baze.

Tuir Diretur Ejekutivu Ajar Jose Luis Sampaio katak nia parte lamenta tebes mak tempu agora mosu tendensia degradasaun ba partidu politiku sira, mak halo agregasaun no formula aspirasaun povu nian.

Ita hare parpol sira la halo knar ho diak, ita hare partidu politku sira nee partidu eleitoral tamba sira funsiona iha momentu elisaun deit atu hadau kadeira mak ita foin funsiona,” dehan Jose ba STL Tersa (07/03/2017) iha nia knar fatin Farol.

Nia hatete partidu politiku sira la halo liu edukasaun sivika, kadernizasaun ba lideransa mos la iha, tamba nee publika la hakfodak lideransa partidu sira ema nafatin deit laiha mudansa. Jose hatete Konsikuensia husi laiha formasaun ba kuadru no lideransa foun iha partidu, tan nee mak lideransa tuan deit nafatin, nunee faila halao knar ba kaderizasaun.

Iha fatin ketak Diretur Luta Hamutuk Mericio Akara hatete populasaun oituan deit maibe direitu vota kuaze 60%, tan nee fasil tebes atu kontrola nomos fahe informasaun ba povu antes eleisaun akontese.

Nia hatete Partidu ida-idak ba esklarese nia programa ho diak povu mak sira sei laiha konfuzaun maske partidu barak, tamba Timor povu ema oituan maibe halao desiminasaun no konsensializasaun tan nee susar atu komprende partidu sira nia hakarak. Timotio Gusmao

Suara Timor Lorosae