terça-feira, 7 de março de 2017

Ekonomia Obriga Deskonfia Feto Estranjeiru Balun Halo Atividade Prostituisaun

PARTILHAR
DILI - Vida ekonomia Origa deskonfia sidadaun feto estranjeiru balun, mai halo atividade prostituisaun rai laran, tanba nee husu ba parte Imigrasaun atu kontrola utilizasaun Vistu iha rai laran.

Preokupasaun nee fo sai husi Reprezentante povu iha uma fukun Parlamentu Nasional, Deputadu Virgilio da Costa Hornai, liu husi sesaun Plenaria Tersa (07/03/2017) iha PN, bain hira halo aprovasaun final konaba lei Imigrasaun ajilu.

Hau hanoin atu kontrola diak liu tan ema estranjeiru sira neebe deskonfia mai halo atividade prostituisaun iha rai laran maka, parte imigrasaun tenke kontrola didiak ema estranjeiru ninia obzektivu de entreda, sira mai atu halo saida no mai loron hira, no atividade sida maka sira sei halo bain hira sira tama mai,” informa Deputadu Virgilio da Costa Hornai.

Nia mos informa liu tan katak, atividade nee lao makas heka iha rai laran tanba nee husu ba parte Imigrasaun atu kontrola didiak, tanba trafiku humanu neebe akontese iha rai laran nee, laos faan ema direta maibe sira lori Inan feto sira nee mai halo negosiu ou atividade Prostituisaun iha rai laran, ida nee hanesan trafiku humanu ida tanba faan ema, no realidade neebe akontese iha trenu nee iha hela maibe kontrola maka sidauk masimu.

Iha fatin hanesan Deputadu Aurora Ximenes mos hatutan, preokupasaun neebe maka deputadu sira foti konaba trafiku humanu kontinua mosu iha rai laran nee, governu liu liu imigrasaun tenke kontrola didiak atu nunee labele influiensia ba Timor oan sira.

Hatan ba preokupasaun Deputadus sira nian, Ministru Interior Lonquinhos Monteiro hateten, esforsu neebe maka governu halo agora nee maka bain hira sidadaun estranjeiru sira atu tama mai TL maka, tenke hatene didiak ninia objektivu mai atu halo saida, semak sponsor, karik laiha objektivu no sponsor maka parte imigrasaun tenke suspende sira, tanba sira rasik la hatene ninia obzektivu mai TL atu halo saida tan nee tenke haruka nia fila. Madalena Horta

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: