Iha
findesemana sidadaun españól ida detidu iha Díli no nia pasaporte hetan
konfiskadu, tanba suspeita hosi tráfiku estupefasinte sira, hafoin prezu ho ai-moruk
sira ba ulun moras nian, afirma ona hosi nia ekipa defeza.
"Hetan
ona liberdade iha loron-segunda ne'e no aplika ona medida koasaun hosi Termu
Identidade no Rezidénsia (TIR) nian no labele sai hosi nasaun", hatete
hosi fonte hodi esplika katak defeza husu ona medida ida kmaan liu hodi
"aprezentasaun periódiku" nian.
Lahó
lei ida rasik kona-bá kestaun sira droga nian, Timor-Leste sei aplika nafatin
lei indonéziu kona-ba asuntu ne'e ne'ebé hatete katak ai-morusk sira ne'e bele
uza ho de'it reseita hosi médiku.
Ekipa
defeza aprezenta ona karta sira ba klínika internasional Stanford iha Díli,
hosi Hospital Rafles iha Singapura no hosi neurólogu pasiente nian iha España,
hodi konfirma katak ai-moruk sira ne'e fó ba nian ba ulun moras nian.
Maibé,
no tuir esplika hosi fonte defeza, Ministériu Públiku hatete katak sidadaun
españól entrega ona ai-moruk sira ne'e ba ema seluk ida, buat ne'ebé hanesan la
permiti.
Kaer
sidadadun españól ne'e iha loron-sesta kalan iha bar ida iha Díli maibé la
refere sirkunstánsia sira iha tribunal.
Maibé
sasin ida ne'ebé ko'alia ba Lusa esplika katak detensaun ne'e akontese iha bar
ida no operasaun "ne'e karik hanesan prepara antes" hodi bele kaer
nia.
Fonte
ne'e esplika katak mane ne'e tuur hamutuk ho nia belun españól ida no sira
seluk timoroan, ida maka kesar tanba ulun moras.
"Nia
fó ba ida seluk ai-moruk ida no hafoin ne'e maka mosu polísia na'in hitu ka
na'in ualu ne'ebé hafoin ne'e aljema no lori nia ba eskuadra", esplika
hosi fonte ne'e.
La'ós
ba dala uluk maka kaer, sala, sidadaun estranjeiru ida tanba suspeita tráfiku estupefasiente
sira.
Kazu
mediátiku ida ho loron fulan-Setembru 2014 bainhira sidadaun norte-amerikanu
Stacey Addison ne'ebé kaer hafoin tama iha Timor-Leste, hapara nia iha karreta
ida nia laran ne'ebé iha droga sira.
Addison
hetan liberdade iha prizaun iha loron 25 Dezembru maibé labele sai hosi nasaun
bainhira hala'o hela investigasaun sira ne'ebé hanaruk to'o loron 27 Fevereiru
2015, tempu ne'ebé Tribunal Distrital Díli aseita ona deklarasaun sira hosi
Ministériu Públiku ne'ebé rekuza ona akuzasaun.
SAPO
TL ho Lusa
Sem comentários:
Enviar um comentário