TVTL SEI FO TRANSMISAUN DIRETA BA JOGU EURO CUP

Televizaun  Timor Leste (TVTL) sei fo sai transmisaun direta ba jogu Euro Cup iha  Sabadu (11/06) tinan 2016.

Timor Leste hetan direitu  transmisaun direta  Copa Euro tanba  sosa direitu ekskluzivu  husi Asian  Broadcasting ho montante serka de  US$ 80 mil.

“85%   ita  garante transmisaun, tanba   ita hetan direitu esklusiva ba transmisaun EURO 2016,”esplika Sekretariu Estadu Komunikasaun Sosial (SEKOM), Nelio Isaac  Sarmento  ba  jornalista iha Palasiu Governu, Tersa (07/06).

Tuir Nelio, husi parte teknika  seidauk bele konklui, tanba ekipamentus  ne’ebe akapta sinal satelite  ne’e iha hela prosesu nia laran.

“Ha’u espera katak molok Sesta (10/06) agora  antes abertura  ba Copa Europa ekipamentu  sira ne’ebe maka  ita haruka mai ne’e kompletu ona  para depois ita bele halo transmisaun,”hatutan Nelio Isaac Sarmento.

Nelio Isaac mos agradese ba Ministeriu sira ne’ebe fo apoiu  ba realizasaun Copa Europa ne’e, liu-liu  Ministeriu Finansas,  tanba Ministeriuo Finansas (MF) maka fo apoiu sosa direitu eskluziva  ne’e, depois Sekretaria  Estadu  Juventude Desportu (SEJD) maka apoiu balun tan hodi identifika ekipamentu  ne’ebe bele ajuda  Radio Televizaun Timor Leste (RTTL)  halo transmisaun.

“Ha’u agardese ba Federasaun Futebol Timor Leste (FFTL) tanba  nia maka sponsor utama fasilita  meius hotu-hotu, em termus ekipamentu ho finansiamentu hodi ajuda RTTL  halo transmisaun Copa Europa.   Portantu ha’u bele dehan katak, tinan ida ne’e direitu eskluzivu ba Copa Europa ne’e Governu responsabiliza husi  MF, SEJD  SEKOM Sno RTTL hamutuk depois sponsor utama maka FFTL, ” tenik Nelio Isaac Sarmento.

Kona-ba sistema transmisaun direta, Nelio Isaac  Sarmento hateten,  ne’e  iha mekanismu para atu estabelese.

“Ne’e  ita oferese receiver  ne’ebe maka ita nian rasik, ita produs sinal TVTL bele fo ba sira Sub Distritu atu akompanha , ba kapital Munisipiu sira inklui Dili ita bo’ot sira uza antena dalam (laran) la presiza husi parabola,  ita sei halo acak ba parabola, maibe   ita prepara mos receiver balun ne’ebe  ita bo’ot sira bele sosa bele hetan sinal TVTL,”dehan Nelio Isaac Sarmento. Avi

Jornal Nacional