Jornal
Nacional, editorial
Timor
Leste ohin loron nee iha hela faze konstruksaun no konsulidasaun estadu direitu
demokratiku. Iha prosesu konstruksaun no konsulidasaun, presiza kontribuisaun
ativa sidadaun hotu atu bele atinji meta desenvolvimentu nasional nebe
kontempla ona iha Planu Estratejiku Dezenvolvimentu 2030.
Nasaun
desenvolvidu, subdesenvolvidu ka nasaun sira nebe foin atu desenvolve an, la
ses husi moras Korupsaun Kolusaun no Nepotismo, krime organizado no
kriminalidade finanseira (pencucian uang).
Agora
oinsa atu kontrola moras korupsaun, krime organizadu no kriminalidade
finanseira, nee depende ba kapasidade aparellu estadu sira, li-liu Ministeriu
Publiku no Polisia.
Aparellu
estadu nian sira mak tenki servisu makaas, tenki servisu pro ativu kontrola
krime sira nee hotu. Governu tenki kria kondisaun no mos fasilita aparellu
sira nee atu bele servisu ho legalidade no fasilidade.
“Korupsaun,
krime organizadu no kriminalidade finanseira bele fó ameasa ne’ebé sériu ba
konsolidasaun no afirmasaun Estadu sira nian, la’os de’it ba Timor Leste, maibé
ba nasaun hot-hotu,” Taur Matan Ruak.
Los
duni senhor, mundo ohin loron nee dezafiu estadu nia mak korupsaun, krime
organizadu no kriminalidade finanseiru, needun estadu presiza investe makaas
liu tan ba iha aparellu estadu nian atu kontrola no kombate krime sira nee.
Polisia
no Ministeriu Publiku tenki sai salva guarda ba nasaun, li-liu lori nasaun nee
livre husi moras at korupsaun no kontrola trafiku finanseiru, tamba koruptor
sira nee servisu ho rede no mos koruptor sira nee iha meritu atu oinsa bele
fase osan resultadu korupsaun nian.
Kombate
korupsaun, kriminalidade finanseira no krime organizadu nee responsabilidade
polisia no Ministeriu Publiku deit maibe mos sidadaun ida idak mos tenki asumi
responsabilidade atu kontribui, hodi fo informasaun ba autoriade wainhira
deskonfia mosu krime sira nebe mensiona nee.
Nasaun
nebe korupt, hamosu divizaun sosial, ema riku no kiak, matenek no beik, moras
no saudavel, empregu no desempergu, rural no urbana no ukunain no atan
nunee mos desenvolvimentu lao la ekilibriu.*
Sem comentários:
Enviar um comentário