Governu timoroan aprova akordu-kuadru kontribuisaun finanseira ba Igreja Katólika

Governu timoroan anunsia iha segunda-feira ne’e katak  aprova ona assinatura akordu-kuadru  kontribuisaun finanseira ida hosi Estadu ba Igreja Katólika, iha tempu badak, no iha ona  disponibilidade finanseira, bele determina nia valór ne’e.

Assinatura "Akordu-Kuadru Kontribuisaun Finanseira hosi  Repúblika Demokrátika Timor-Leste ba Igreja Katólika" ho objetivu hakarak  regula aspetu relasaun nian entre Estadu no konfissaun relijioza maioritáriu iha Timor-Leste.

To’o agora, kontributu ba igreja katólika, ho nia valór anuál ne’e lahatene, kanaliza ona  liuhosi komponente orsamentál oioin, inklui ba iha  setór edukativu no saúde no liuhosi seksaun Asaun Sosiál gabinete primeiru-ministru nian.

Iha tinan hirak ikus ne’e, Governu aplika moos valór ida ba  konstrusaun  infraestrutura oioin, inklui igreja sira – iha dimensaun balun ne’ebé boot – iha fatin barak nasaun nian.

Iha komunikadu, Governu esplika katak akordu-kuadru ne’e regula apoiu Estadu nian "ba atividade ho karáter sosiál no edukativu no nia finalidade ba Governu eclesial" ne’ebé "maka regula iha akordu espesífiku entre Governu no Konferénsia Episkopal timoroan nian".

Aléinde  ne’e , dependente  disponibilidade finanseira hosi Estadu ne’e  previstu iha akordu assinadu entre Timor-Leste no Santa Sé iha agostu tinan kotuk.

SAPO TL ho Lusa