Fransés
ida viola ona baze militar ida iha Indonézia no tuir nia hatete tanba nia joga
hela "Pokemon Go" no sai hosi trajetu, hatete hosi polísia iha
loron-tersa ne'e.
Romain
Pierre, tinan 27, halai hela iha loraik ne'e no tenta hetan "monstru ida
bolsu nian" ne'ebé tuir jogu ne'e subar iha mundu real bainhira nia tama
iha fatin ho seguransa maka'as, hatete hosi porta-vós polísia nian iha oeste
Java, Yusri Yunus.
"Nia
hatete katak kasa hela ‘pokemon’ ”, esplika hosi Yunus, ho reférénsia ba
kriatura sira ne'ebé tenki buka no kaer haktuir hosi indikasaun sira jogu nian
ne'ebé apela ba realidade aumentadu, halo jogadór sira buka no esplora área
oioin.
Fransés,
ne'ebé halo hela viajen negósiu nian iha sidade portuáriu Cirebon, tenta halai
bainhira ema kaer toman, maibé hafoin ne'e hetan interogasaun oras barak nia
laran antes liberta nia iha dadeer loron-tersa ne'e.
Porta-vós
ida hosi militar sira husu ona ba populasaun hodi sai hanesan vijilante no
indika katak jogu ne'e bele uza hodi lohi hodi halo atividade kriminozu sira.
"Iha
posibilidade atu iha ema deskoñesidu tenta tama iha propriedade privadu sira
hodi halo krimi sira, maibé depois finji katak sira kasa ‘pokemon sira’ ”,
militar ne'e hatete.
Jogu
eskluzivu ba dispozitivu movel lansa iha semana rua liubá hosi Nintendo no iha
ekran, akresenta "pokemon sira" ba imajen loloos hosi mundu esterior,
aponta daudaun hanesan kauza hosi onda krimi sira, violasaun sira iha tránzitu
no kesar sira iha fatin oioin iha mundu.
SAPO
TL ho Lusa
Sem comentários:
Enviar um comentário