Akademika Husu Xanana Hatudu Evidensia Akontese Mafia Justisa

DILI - Relasiona kritika neebe mak Eis Guerilleiru FALINTIL, Kay Rala Xanana Gusmão halo liu husi karta aberta neebe Xanana deskonfia akontese mafia iha sistema judisiariu hanesan korupsaun.

Tuir Observador Politika-UNTL, Camilio Ximenes Almeida hatete, hanesan akademika husu ba Xanana hanesan figura ida hatudu evidensia konaba mafia akontese iha sistema judisiariu.

Xanana hanesan figura ida, nia dehan iha mafia, nia iha evidensia halo fali tuntutan balik ka nia bele hatoo ninia kestaun ba tribunal atravez ba iha tribunal rekursu,” dehan Observador Politika-UNTL, Camilio ba STL iha nia knar fatin kampus lama-UNTL, Caicoli-Dili, Tersa (07/02/2017).

Nia dehan, se Xanana lasatisfas ba desizaun nee bele lori ba iha tribunal supremiu (Mahkama agung) maske Timor Leste seidauk tribunal supremiu. Camilio salenta, se nia (Xanana) temi dehan mafia iha tribunal maibe nia mos laiha evidensia neebe mak forte, hatudu katak labele uza poder politiku nee atu halo intervensaun oin-oin ba instituisaun sira mak hanesan tribunal.

Iha sorin seluk, Dekanu Fakuldade Direitu-UNDIL, Justino Sopalo Ximenes dehan, konstituisaun artigu 16 hatete ema hotu-hotu hanesan iha lei nia okos (Equality before the law). Maibe lasignifika karta aberta ida nee mafia justisa nee laos, Xanana halo karta aberta ida nee halo nudar ema Timor iha prekupasaun ba iha kazu ruma nee bele ho karta aberta. Raimundo S. Fraga

Suara Timor Lorosae