segunda-feira, 6 de fevereiro de 2017

PR timoroan haruka reforma pensaun vitalísia ba Tribunál Rekursu

PARTILHAR

Prezidente Repúblika timoroan  iha ohin husu fiskalizasaun preventivu konstitusionalidade ba alterasaun pensaun vitalísia hosi  eis-deputadu no eis-titular iha  kargu públiku seluk, sei rezerva ho  direitu ba eventuál veto polítiku ida.

Pedidu fiskalizasaun  preventivu  ne’e  hato’o ba Tribunál Rekursu relasiona, tuir fonte Prezidénsia Repúblika ba Lusa, ho dúvida kona-ba  prinsípiu igualdade no prinsípiu justa repartisaun ba enkargu no benefísiu.

Sein fundamenta desizaun ne’e, komunikadu badak ida Prezidénsia Repúblika nian informa katak  pedidu fiskalizasaun preventivu "Lases hosi  dúvida polítika ne’ebé manifesta hosi Sua Eselénsia, Prezidente Repúblika, Taur MatanRuak, ne’ebé  mantein no hanesan momentu ne’ebé loos atu tetu, karik bele ".

Taur Matan Ruak dalabarak manifesta kontra ezisténsia pensaun vitalísia ba eis-deputadu no eis-titular hosi kargu públiku sira seluk, inklui xefe Estadu, tanba lakonkorda ho alterasaun parlamentar ne’ebé reduz deit valór pensaun ezistente.

Ralasiona ba  desizaun ne’ebé  Tribunál Reckursu foti kona-ba konstitusionalidade diploma ne’e, Taur Matan Ruak sei  ezerse veto polítiku ida, ne’ebé obriga diploma ba debate foun no votasaun iha  Parlamentu Nasionál.

Liuhosi  enkontru komunitáriu findesemana ne’e, iha Díli, Taur Matan Ruak refere ninia opozisaun ba diploma, responde ba rezidente ida ne’ebé kestiona kona-ba pensaun vitalísia ne’ebé  "diskrimina favoravelmente ba ema balun ".

Alvu  sai polémika nasionál maka’as liu, ho forte krítika sosiedade nian, alterasaun ba rejime benefísiu hetan  aprova iha janeiru hosi  parlamentu – ho votu  42, kontra 5 no  abstensaun  5.

Entre aspetu seluk, proposta lei reduz ho 100% ba entre 60% no 90% hosi saláriu baze mensal hosi   pensaun vitalísia ba eis-deputadu ( ne’ebé tenki kumpre pelumenu mandatu ida ba tinan lima) no ba eis-membru Governu sira.

Pensaun ne’e sei mantein 100% ba Prezidente Repúblika no fixa ho 90% ba prezidente Parlamentu Nasionál, primeiru-ministru  no prezidente hosi  Supremu Tribunál Justisa.

Organizasaun laós-governamentál timoroan  defende ho submisaun ba Parlamentu Nasionál ne’ebé debate karik di’ak liu  konsidera  realidade ekonómika no sosiál Timor-Leste nian no bele  reduz ho signifikativu pensaun vitalísia ( ho korte  entre 45 no 60 pontu persentuál).

Iha  'gaveta' durante tinan tolu, alterasaun  soma testu úniku mudansa ba diploma tolu: Estatutu Deputadu sira(  2004), lei da Pensão Mensal Vitalícia dos Deputados e Outras Regalias e o Estatuto dos Titulares dos Órgãos de Soberania (rua ne’e iha 2007).

Maski  redusaun diploma laresponde lian krítika maka’as ne’ebé  defende korte boot liu ka abolisaun totál  ba pensaun vitalísia, aléinde regalia ezistente seluk.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: