quinta-feira, 2 de fevereiro de 2017

Kombate "vírus no venenu" korrupsaun iha Timor-Leste ne’e serbisu ema hotu nian - deputadu

PARTILHAR
Deputadu timoroan sira konsidera iha ohin katak kombate ba"vírus no venenu" korrupsaun iha Timor-Leste ne’e serbisu ema hotu nian, essensiál atu proteje no konsolida soberania nasionál no atu garante liu moris di’ak ba populasaun nian.

"Korrupsaun ne’e hanesan venenu ida ne’ebé bele  ameasa demokrasia. Ita tenki hamutuk atu kombate veneno ne’e, vírus ne’e maka bele  destruinasaun ida. Ita tenki iha  integridade, defende nafatin ita nian  integridade ", afirma Francisco Branco, responsável timoroan Konferénsia Mundiál Parlamentares Kontra  Korrupsaun.

"Hafoin manán funu ba  independénsia, ita  agora tenki luta kontra vírus korrupsaun. Nasaun ne’e patrimóniu ida ita hotu nian, ba katuas sira ne’ebé  luta ba ita nia pátria ba joven sira ne’ebé  hanesan  futuru ba ita nia pátria", nia haktuir.

Deputadu Fretilin, partidu daruak timoroan, koa’lia iha abertura ba konferénsia internasionál kona-ba "Direitu, Liberdade no Garantia versu Kombate ba korrupsaun" ne’ebé sei la’o to’o  sesta-feira ne’e iha Díli.

Sosiedade sivil no igreja moos "iha papel ida importante ba luta kontra korrupsaun", kolabora atu  "transforma Timor-Leste ba Estadu direitu iha nia plenitude".

Seidauk to’o, nia afirma, iha "kultura jurídika no demokrátika ida hanesan meta" maibé garantia katak lei sira ne’ebé aprova tenki implementada duni " ho korajen" tanba " demokrasia tenki harii loroloron, tenki serbisu hosi ema hotu ".


Francisco Branco apela diretamente ba prezidente Parlamentu Nasionál atu aselera aprovasaun ba lei " importante" antikorrupsaun nian hanesan mekanizmu essensiál "hodi  prevene no kombate problema ne’e ho sériu".

Intervein moos iha  abertura konferénsia ne’e, deputada Carmelita Moniz (CNRT), mos  defende reforsu ida ba medida lejislativu hodi  prevene no kombate ba korrupsaun.

"Reafirma ami nia forte determinasaun atu kontinua servi ita nia povu, kria  baze ba estabilidade no seguransa no fortalese mekanizmu ba  dezenvolvimentu ita nia nasaun", nia afirma.

"Ha’u husu ba atór judisiál, espesialista sira atu  fahe ita boot sira nia pozisaun. Hanesan  kontributu  esensiál ba lei foun ne’e", nia hatutan.

Carmelita Moniz rekorda katak iha ona elementu sira ba kombate korrupsaun iha lejislativu Timor-Leste nia-laran maibé nia konsidera esensiál katak ninia implementasaun tenki  reforsa.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: