quinta-feira, 2 de fevereiro de 2017

PM Rui Promete Sei Dezenvolve FFDTL Ho Diak

PARTILHAR
DILI - Primeiru Ministru (PM) Rui Maria de Araujo promete ho governu nia kbit tomak, kontinua hadia no dezenvolve Falintil Forsa Defeza Timor Leste (F-FDTL), ho diak hodi sai lutu ba nasaun no povu Timor Leste.

Lia hirak nee hatoo husi PM Rui, ba Jornalista sira hafoin remata Seremonia Aniversairu F-FDTL iha Kuartel Jeral F-FDTL Fatuhada, Dili, Kinta (02/02/2017).

Agora ba oin governu atu dezenvlve diak liu tan F-FDTL, nee Ministru Defeza halo ona esforsu lubuk boot ida. Tanba nee ba oin ita buka nafatin hanesan Prezidente ohin temi tiha ona iha deskursu katak konseitu estrateziku defeza no siguransa difini tiha ona ho baze ba ida nee, depois ho apoiu tomak, liu husi governu nia kiibit, hodi dezenvolve forsa ba oin nafatin,” hateten PM Rui.

Xefi Governu nee haklean tan katak planu ba oin governu liu husi Ministru Defeza sei trasa planiamentu, hodi hadia forsa sira sai professional, tanba nee Ministru defeza halo ona serbisu lubuk ida no kontinua halo hodi dezenvolve forsa sira ba oin ho susesu.

Iha fatin hanesan Ministru Defeza Cirilio Cristovao hateten F-FDTL nee hanesan nasaun nia lutu, governu iha komitmentu nafatin, atu halo esforsu masimu atu fo apoiu. Informasaun kompletu iha STL Jornal no STL Web, edisaun Sesta (3/2/2017). Joao Anibal

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: