Fundu
Petrolíferu Timor-Leste nian, fonte prinsipal hosi reseita sira Orsamentu
Estadu hosi nasaun nian, iha folin dolar biliaun 15,84 (euro biliaun 14,68) iha
tinan 2016 nia rohan, tuun millaun 380 duké iha tinan 2015 nia rohan.
Relatóriu
hosi trimestre ikus iha tinan liubá, ne'ebé fó sai iha loron-kuarta ne'e hosi
Banku Sentral, refere katak entrada brutu sira ne'ebé mai hosi royalties ho
impostu sira aumenta ba dolar millaun 36,21 (euro millaun 33,56) entre 01
fulan-Outubru no 31 fulan-Dezembru, ho total millaun 672 (euro millaun 622)
durante tinan tomak.
Relatóriu
konfirma katak durante tinan tomak, Governu hasai hosi Fundu folin ida hamutuk
dolar millaun 1.245 (euro millaun 1.153), ne'ebé millaun 644,8 (euro millaun
597,55) to'o fulan-Outubru no sira seluk hamutuk millaun 600 iha besik tinan
nia rohan.
Iha
termu trimestral sira, fundu rejista ona regresu negativu ida ho menus millaun
197 (euro millaun 182,6) - la hanesan ho regresu pozitivu hosi millaun 228,3
hosi trimestre hanesan tinan 2015 nian, no destaka iha tinan liubá nia rohan
impaktu boot hosi diminuisaun líkidu kámbiu sira hosi dolar millaun 242,61
(euro millaun 242,6).
Kona-ba
folin anual sira hosi retornu hosi fundu iha 2016 hanesan pozitivu, aumenta ba
millaun 647,68 (euro millaun 600), la hanesan ho lakon ne'ebé rejista iha 2015
hamutuk millaun 21,41 (euro millaun 19,84).
Relatóriu
refere katak maski iha "inserteza barak", merkadu internasional
hatudu "fleksivel" ho performance pozitivu ida iha merkadu asionista
prinsipal sira iha mundu.
SAPO
TL ho Lusa
Sem comentários:
Enviar um comentário