quinta-feira, 2 de fevereiro de 2017

La Hetan Pensaun, Veteranu Balun Konsidera Medalia La Vale

PARTILHAR
DILI - Veteranu balun iha suku bairo pite postu Administrativu Dom Alexo konsidera medalia kondekorasaun neebe estadu esforese ba sira la vale tamba la hetan osan pensaun vitalisia.

Tuir reprezentante Veteranu Suku Bairo Pite, Jose Soares liu hui Dialogu komonitaria durante Vizita Prezidente Republika Taur Matan Ruak kuarta (01/02/2017) hatete, nudar eis Sekretariu Nurep konsidera medalia neebe simu la serve.

Ami hakarak husu ba prezidente medalia neebe ami simu laserve tamba la kondus ho ami nia dignidade, tamba medalia neebe simu hanesan medialia neebe ema prega bai-bain,” dehan Jose.

Nia husu estadu atu konsidera kargu neebe mak veteranu sira asumi iha tempu funu tamba sidadaun sira neebe asumi kargu iha tempu funu prontu atu mate maibe too ukun Aan fo deit rekoinesmentu liu husi medialia.

Hatan ba prekupasaun nee Prezidente Republika Taur Matan Ruak hatete kuandu medalia neebe mak estadu oferese mak la serve maibe iha nasaun boot sira medalia mak boot liu osan. Nia hatete medalia neebe mak estadu oferese ba veteranu sira vale liu osan tamba jeresaun  sira sei hatutun kompara ho osan maibe lei pensaun vitalisia neebe mak iha ema barak mak kontra inkliu prezidente. Informasaun kompletu iha STL Jornal no STL Web, edisaun Sesta (3/2/2017). Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: