quinta-feira, 2 de fevereiro de 2017

Primeiru-ministru australianu akuza sosa eleisaun ne’ebé nia manán

PARTILHAR
Primeiru-ministru australianu, Malcolm Turnbull, akuzadu iha ohin sosa eleisaun hafoin admite katak fó 1,3 millaun dólar (millaun euru 1,2) hodi finansia nia partidu iha kampaña eleitorál ikus nian.

"Ha’u kontribui ho dólar millaun 1,75 [australianu], ne’ebé fó", hatete Turnbull, nomo’s líder Partidu Liberál, iha kuarta-feira kalan, iha entrevista ho emisora ABC.

Donativu, ne’ebé tuir imprensa lokál halo hodi finansia anúnsiu televizaun, inkéritu no haruka propaganda hosi korreiu, ne’ebé halo molok eleisaun fulan-jullu liubá.

Tuir jornál Sydney Morning Herald, donativu hosi Turnbull reprezenta doasaun finanseira bo’ot ba partidu polítiku ida ne’ebé realiza hosi indivídu ida iha nasaun.

To’o agora Turnbull, eis-bankeiru multimilionáriu, Evita ona atu refere kona-ba doasaun ne’e, tuir lejislasaun eleitorál bele mantein segredu durante tinan ida.

Primeiru-ministru defende hodi asegura katak nia investe ba ninia partidu rasik no akuza Partidu Traballista ho finansia no apoiu hosi sindikatu, ne’ebé laevita krítika hosi opozisaun.

"Labele manán iha eleisaun ho nia méritu-rasik hodi tau liman ba nia karteira", haktuir portavós Finansa traballista, Jim Chalmers, ba ABC.

Chalmers akuza Turnbull ne’ebé tenta mantein segredu "ho tempu naruk oituan" ba doasaun ne’e, no refere, kontráriu hosi  Governu, traballista fó sai  loloos fonte doasaun nian.

Lei australiana ba finansiamentu partidu prevé ho subvensaun iha funsaun rezultadu eleitorál no aseita donativu privadu hodi taka kustu kampaña nian.

Austrália moos hanesan demokrasia kiik liu  ne’ebé permite finansiamentu hosi fonte estranjeiru ba ninia partidu.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: