DILI,
(ANTIL) – Komisaria ba Komisaun Nasionál Direitu Labarik nian, Maria
Gorumali Barreto husu ba Sekretariadu Tékniku Administrasaun Eleitorál (STAE)
ou Comissão Nacional de Eleições (CNE) oinsá kria regulamentu ida atu proteje
labarik sira iha prosesu kampaña eleisaun prezidensiál no parlamentár.
”Bainhira
labarik sira involve iha kampaña sei lakon oportunidade iha prosesu
aprendizajen”, katak nia ba ANTIL iha ninia servisu fatin Kaikoli Dili,
Segunda, (20/2).
Tuir
nia, importante tebes ba kandidatu sira nomos partidu politiku atu labele
involve labarik sira iha prosesu kampaña eleitorál, tantu prezidensiál no
parlamentár.
Tanba,
kuandu labarik mak partisipa iha eleisaun sei akontese ameasa ba vida bainhira
mosu asidente tránzitu iha konvoiu nomos krime ruma iha fatin kampaña. Seluk
fali mak, bainhira mosu kampaña ne’ebé la-edukativu (insulta malu),
automatikamente labarik sei simu edukasaun la-di’ak.
Kestaun
sira ne’e hotu, komisaun nasionál ba direitu labarik nian halo hela
aprosimasaun ho STAE atu oinsá kria regulamentu ida ba kandidatu prezidenti
nomos partidu politiku sira hodi kumpri durante kampaña eleitorál. ”Esforsu
ne’e hetan ona resposta pozitivu hosi STAE”, katak nia.
Komisaun
ne’e partensia ba ministériu justisa ho mandatu atu defende no promove direitu
labarik nian. (jornalista: Rita Almeida/Editor : Alberto Alves)
Foto:
Komisaria ba Komisaun Nasionál Direitu Labarik nian, Maria Gorumali Barreto.
Foto ANTIL
Sem comentários:
Enviar um comentário