terça-feira, 31 de janeiro de 2017

Juís portugés sira iha Timor-Leste labele iha titularidade hosi prosesu sira - Governu

PARTILHAR
Sekretária Estadu ba Negósiu Estranjeiru no Koperasaun portugeza nian, iha loron-tersa ne'e, la admiti posibilidade atu Portugal destaka majistadu sira iha Timor-Leste ne'ebé asumi titularidade hosi prosesu sira, tanba iha limitasaun ba programa sira formasaun nian no fortalesimentu iha área judisial.

"Laiha sentidu ruma no ami komprende katak protokolu (bilateral) defini ona limiti sira ne'ebé koperasaun tenki prosesa no nune'e la halo parte titularidade hosi prosesu sira hosi parte juís portugés sira nian. Ami hakarak evita ne'e, laiha sentidu ida", Teresa Ribeiro hatete ba Lusa iha Díli.

Iha kauza maka aprovasaun ne'ebé Parlamentu Nasional timoroan halo, iha fulan-Novembru liubá, ba projetu ida lei nian ne'ebé permiti rekrutamentu hosi majistradu estranjeiru sira ba área judisial sira Timor-Leste nian, hafoin liutiha tinan rua duni sai ema estranjeiru sira ne'ebé kaer funsaun sira iha nasaun ne'e.

Expulzaun ne'e, envolve ema portugés balun, hamosu momentu ida krítiku liu hosi relasaun bilateral entre Portugal ho Timor-Leste no hamosu revizaun ba protokolu sira koperasaun nian, hodi hadook majistradu sira hosi ezekusaun diáriu ba funsaun judisial sira.

Protokolu foun, asina iha fulan-Fevereiru tinan liubá, kalkula atu haruka ba Timor-Leste majistradu sira ne'ebé sei kumpri funsaun sira hosi inspetór judisial sira no iha sentru formasaun jurídiku, maibé to'o agora seidauk to'o iha nasaun.


Funsaun sira hosi inspetór-jeral sira hanesan importante iha momentu agora hodi permiti hahú prosesu sira hosi promosaun ba juís ba kategoria aas ba Tribunal Rekursu, instituisaun ne'ebé agora daudaun ladún la'o tanba falta juís sira.

Iha fulan-Setembru liubá, ministru Justisa timoroan, Ivo Valente, hatete katak nia hein atu majistradu sira to'o "iha tempu badak". Ohin, sekretária Estadu hatudu mós hakarak ne'e, maibé la asumi kalendáriu loloos ida.

"Ami hakarak hala'o lalais atu juís portugés sira bele to'o lalais maibé mós hodi hatán ba pedidu sira seluk ne'ebé husu ba autoridade portugés sira ne'ebé ami hakarak simu", nia hatete.

"Informasaun sira ne'ebé ha'u iha hosi Ministériu Justisa portugés maka ne'e hanesan lalais tebes. Ami hanoin nune'e no hein katak bele hatán lalais ba pedidu timoroan sira nian iha área ne'e", nia konsidera.

Sei la halo parte posibilidade hodi hatán ba lei hosi "rejii tranzitóriu ba rekrutamentu juís sira nian, prokurador sira no defensór públiku sira ne'ebé la'ós timoroan" ne'ebé rekoñese sistema judisial timoroan ne'ebé fraku, ne'ebé esforsu hosi formasaun "seidauk permiti halakon insufisiénsia hosi juís no prokurador sira, ne'ebé senti maka'as iha Tribunal Rekursu, inklui iha Kámara Konta nian", hatete iha testu.

Lejislasaun foun sei permiti kontratasaun ba majistradu sira "ne'ebé la'ós hanesan ema timoroan" ho tinan 40 resin ka pelumenus iha esperiénsia profisional durante tinan 15 durante períudu ida tranzitóriu ne'ebé bele to'o, antes, tinan tolu to'o tinan lima.

"Ami iha disponibilidade ba nível tomak hodi fó asisténsia ne'ebé presiza. Ami iha mós pedidu timoroan nian ba formasaun hosi juís sira no ami halo parte mós iha faze reasaun no preparasaun hodi hatán no nune'e ami hanoin katak laiha funsaun hosi soberania ho perfil sensível tebes hanesan ne'e tenki asumi hosi juís portugés sira", hatete hosi Teresa Ribeiro.

Iha mós área justisa, Teresa Ribeiro hatete ba Lusa katak Governu portugés "akompaña beibeik, iha limiti sira nia laran ne'ebé hanesan respeitu ba Estadu soberanu ida", kazu hosi kaben-na'in portugés, Tiago ho Fong Fong Guerra ne'ebé labele sai hosi Díli durante fulan 27 nia laran tanba hein julgamentu.

"Ami akompaña situasaun tomak. Ami hein katak iha dezenvolvimentu iha tempu badak iha prosesu ne'e. Ami hakarak iha klarifikasaun ida hosi Tiago Guerra nia situasaun ne'ebé bele hetan ho realizasaun hosi julgamentu", nia hatete.

"Iha akompañamentu beibeik hosi parte Portugal nian. Iha nível tomak, hosi Governu no mós iha nível deputadu portugés sira nian", nia hatete.

Teresa Ribeiro ko'alia ba Lusa bainhira to'o iha Díli ba vizita ida loron haat no sei hasoru malu ho ministru timoroan balun iha área sira hanesan administrasaun estatal, justisa, edukasaun, defeza ho negósiu estranjeiru.

Vizita ne'e inklui mós asinatura ba protokolu ida koperasaun nian iha área edukativu no vizita ba projetu edukativu sira iha Díli - inklui Escola Portuguesa Ruy Cinatti - no iha Liquiçá, iha ámbitu ba projetu hosi eskola sira referénsia nian (CAFE) no mós projetu Formar Mais.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: