DILI –
Iha loron (23/01/2017), iha Airoportu Intenasional Nicolau Lobato, Eis
Komandante Supremu ba Luta Libertasaun Nasional, Kay Rala Xanana Gusmão fo
apoiu pesoal ba kandidatura Partidu Fretilin ba Prezidente Republika (PR tinan
2017 too 2022.
Laos
nee deit, durante nee mos, organizasaun veteranus no juventude inklui partidu
politiku balun halo ona deklarasaun iha fatin-fatin hodi apoiu ba kandidatura
refere.
Tuir
kandidatura Partidu Fretilin ba Prezidente Republika (PR), Francisco Guterres
“Lu-Olo” hatete katak, apoiu Kay Rala Xanana Gusmão nian ba nia (Lu-Olo)
kandidatura nee husi fuan.
Hau
sente katak apoiu neebe maun boot Kay Rala Xanana Gusmão fo mai hau husi nia
fuan rasik,” Francisco Guterres “Lu-Olo” ba jornalista hafoin remata enkontru
ho veteranus sira husi Minisipiu Aileu no Ainaro iha sede komite sentral
Fretilin, Comoro-Dili, Tersa (31/01/2017).
Prezidente
Partidu Fretilin haktuir, sentimentu apoiu neebe maun boot Kay Rala Xanana
Gusmão fo nee hanesan veteranus ida apoiu ba nia alin nudar luta hamutuk iha ai
laran too agora.
Iha
sorin seluk, Veteranus, Agusto Tara dehan, uluk sira fo apoiu primeiru ba
maun boot Xanana konsege sai Prezidente Republika (PR) no segundu apoiu tan
Jose Ramos Horta sai PR no tual PR, Taur Matan Ruak mos hanesan. Informasaun
kompletu iha STL Jornal no STL Web, edisaun Kuarta (1/2/2017). Raimundo S.
Fraga
Suara
Timor Lorosae
Sem comentários:
Enviar um comentário