Angela Kandidata PR Independete Garante Prosperiedade

DILI-Prezidente Partidu Trabalhista (PPT) deklara ofisialmente ba publiku konaba nia kandidatura Prezidente Republika (PR) periode 2017 too 2022 hakarak garante paz no prosperiedade.

Tuir Prezidente Partidu Trabalhista (PPT), Angle Freitas katak, objetivu nia hakarak kandidata-an ba Prezidente Republika (PR) periode 2017 too 2022 ho topiku prinsipal mak unidade nasional no hametin estabilidade.

Topiku prinsipal ba nia kandidatura nee mak unidade nasional, hametin estabilidade no mos dezenvolvimentu, laiha unidade mak Timor Leste laiha estabilidade,” dehan Prezidente PPT, Angela liu husi konferensia imprensa neebe halao iha sede PPT, Bairo Formosa-Dili, Tersa (31/01/2017).

Prezidente PPT haktuir, unidade no estabilidade mak obriga nia (Angela) iha loron 31 fulan Janeiru tinan 2017 deside-an ho konsiensia aprezenta nia kandidatura ba Prezidente Republika (PR) ho dalan independente.

Iha sorin seluk, Eis Dekanu Fakuldade Siensia Politika-UNDIL, Hugo Lorenço dehan, Timor oan barak mak kandidata-an ba Prezidente Republika (PR) balun husi jerasaun tuan no mos balun jerasaun foun. Informasaun kompletu iha STL Jornal no STL Web, edisaun Kuarta (1/2/2017). Raimundo S. Fraga

Suara Timor Lorosae