quarta-feira, 1 de fevereiro de 2017

Governu Prepara Osan Rihun 13.250 Lori Fila Mate Isin Baltazar

DILI-Governu Timor Leste (TL) liu hosi Sekretariu Estadu Politika Formasaun Profisional no Empregu (SEPFOFE) oras nee prepara ona osan rihun 13.250 hodi lori fila traballador Baltazar Almeida nia isin mate mai Timor.

Lia hirak nee hatoo husi Diretor Jeral SEPFOPE Jacinto Barros Gusmão, ba jornalista sira, hafoin remata, Konsellu Ministru, iha Palasiu Governu, Tersa (31/01/2017).

Ita buka hela meius atu semana ida nee traballador nee nia isin mate too iha Timor, agora ita buka hela orsamentu atu haruka ba Korea atu selu Hospital no aviaun hodi tula mate isin nee mai Timor, tuir informasaun neebe maka hatoo husi adidu traballu TL nian iha Korea katak, osan neebe maka presiza atu haruka ba tenke ho montante rihun $13.250,” hateten Jacinto.

Diretor nee haktuir tan katak oras nee governu liu husi SEPFOPE trata ona orsamentu hodi haruka ba Korea, neebe hein katak loron ida ka rua mate isin bele too ona iha Timor. Kronologia husi akontesimentu nee, traballador Timor oan nee halao hela servisu, asidente nee mosu tanba sira lori produtu neebe maka sira produz iha sira nia kompana atu lori fali ba fatin seluk, komu klima salju, entaun kondutor halai kareta ho velosidade makas, atu atravesa kareta ida maka ba soke kareta seluk. Entaun iha asidente nee rezulta kedas kondutor ho traballador Timor oan ho idade 29 mate iha fatin.

Iha parte seluk Matebian nia kolega Idolino Freitas, liu husi (Fasebook) hateten sira sai husi serbisu fatin lori sasan neebe sira produs, atu ba hatama iha pabrika seluk. Informasaun kompletu iha STL Jornal no STL Web, edisaun Kuarta (1/2/2017). Joao Anibal

Suara Timor Lorosae

2 comentários:

vachutey moko disse...

Uluk nanain hw hatoo profundas condelensia ba klg baltar nb mate mate iha korea de suol tristeza tbs hodi rona mib buat hotu maromak planu.... :-)) dala ida tan governu iha planu duni atu lori matebian fila ba Timor nne diak i planu diak ba guverno.... Iha mos susjestaun nb hw hatoo ba guverno.. Se bele hare klg sira iha englanterra nb hetan dejastre pelumenus guverno haree mos ida.. tmb kolega barak mk mate iha englanterra nein governu fo azudu ruma ou azudu lori ba Timor lai iha
NB: GIVERNU MOS TENKE HAREE NIA EMA SIRA IHA RAI LIU.. LIU LIU ENGLATERRA IRLANDIA NO SCOTLAND OBRIGADO BA SUSJESTAUN OBRIDAGO BA ITA HOTU

tinus ozlo disse...

Fiar katak Gov. Bele atende lalais.
#RIP