DILI
– Estadu Timor Leste (TL) seidauk iha akordu estradisaun ho kualker pais,
tanba nee ukun nain sira balun iha dupla sidadania, aproveita ukun hodi nauk
osan estadu nia hodi hali ba estranjeiru berfoya-foya, hamoe hela povu no
nasaun TL iha mundu.
Relasiona
ho akordu estradisaun, Ministru Negosiu Estranjeiru e Koopersaun Hernai Coelho
hateten TL seidauk iha akordu ekstradisaun ho kualker pais, sei iha fase
inisial no hare mos kooperasaun justisa.
Ita
iha area koopersaun justisa ninia, mas ita seidauk iha akordu estradisaun, ita
iha akordu jeral ida ho CPLP, neebe ita bele hare, maibe akordu espesefiku nee
seidauk iha,” hateten Coleho, ba jornalista sira hafoin remata enkontru ho Vise
Ministru Estranjeiru Korea nia iha, MNEK Pantai Kelapa, Dili, kuarta (08/02/2017).
Tanba
nee konba kazu Emilia nia, Ministru Negosiu Estranjeiru e Kooperasaun hein deit
Tribunal dehan halo nusa, maibe ema rekore ba ninia desizaun nee
automatikamente prosesu sei lao.
Iha
parte seluk Jurista Manuel Tilman hateten TL seidauk iha akordu estradisaun ho
nasaun Portugal, tanba nee susar atu lori arguida Emilia Pires fila mai Timor. Joao
Anibal
Suara
Timor Lorosae
Sem comentários:
Enviar um comentário