JAPAUN,
(ANTIL) — Agência Noticiosa de Timor-Leste (ANTIL) reprezenta grupu hosi
Timor-Leste (TL) ba programa Jenesys 2016, lori kafé orgánika hodi promove iha
feira ho tópiku “Bussines Fair @ Kumamoto”- Trade & Investment Promotion
for ASEAN ne’ebé organiza iha otel Kumamoto Terrsa, Kumamoto, Japaun.
Iha
feira ne’e, alende promosaun kafé, Timor-Leste introduz mós produtu lokál seluk
hanesan akar (sagu) nomós hena tradisionál timoroan nian mak tais.
Promosaun
kafé no introdusaun tais ne’e, ANTIL ne’ebé envolve mós iha programa Jenesys
2016 hamutuk ho estudante inklui timoroan seluk hamutuk na’in 21 ne’e, hodi
Timor-Leste nia naran, hetan mós entuziasmu maka’as husi partisipante no
emprezáriu sira.
Feira
ne’e partisipa husi Kumamoto Prefectural Government, International Affairs
Division Director, Takeshi Koganemaru, Jetro Kumamoto Chief Director, Kazunori
Okuizumi nomós introdusaun husi kompañia no industria sira iha Kumamoto
Prefecture.
Kompañia
no industria sira ne’e mak hanesan Igusa Institute for Work, Yatsushiro City,
Inoue Sangyo Corporation, Family Farm Oka, Suisenzi Kanko Center no NPO
Discovery Kumamoto Volunteer Organization.
Partisipante
husi kompañia ka organisaun seluk ne’ebé mós hodi halo introdusaun kona-ba sira
nia produtu sira iha feira ne’e mak hanesan Kimiwa Co. Ltd, Kaneryo Kaiso Co.
Ltd, Kikuchi Sightseeing Product House, Institute for the Future of Kyusu,
CLOUD-IA Co.Ltd, Kumamoto Indonesia Friendship Association no Kumamoto City, Industry
Promotion Section.
Entretantu
atividade seluk husi feira ne’e mak aprezentasaun kona-ba ASEAN, aprezenta
direta husi ASEAN Secretariat, Technical Officer Labour and Civil Service
Division, Sarah Choirinnisa husi Indonézia.
Programa
Jenesys 2016 ne’ebé hala’o iha Japaun, foin lalais ne’e partisipa husi
partisipante na’in 248 husi nasaun membru ASEAN (Association of South East
Asian Nation) mak Indonézia, Malázia, Tailándia, Filipina, Singapura, Brunei
Darusalam, Vietnam, Laos, Myanmar (Burma) no Kamboja inklui Timor-Leste no
India.
Atividade
ne’ebé organizada iha programa Jenesys ne’e mak hanesan semináriu, vizita fatin
istorikál no turizmu, koko no prátika gastronómia lokál, homestay (hela
ho komunidade lokál) inklui feira ekonómika no seluk tan. (jornalista:
Rafael Belo; editora: Rita Almeida)
Foto:
Aprezentasaun kona-ba kafé organika Timor-Leste nian iha Feira “Bussines Fair @
Kumamoto”- Trade & Investment Promotion for ASEAN + India + Timor-Leste
ne’ebé hala’o iha otel Kumamoto Terrsa, Japaun, foin lalais ne’e. Foto
ANTIL/Maria Freitas
Sem comentários:
Enviar um comentário