quinta-feira, 9 de fevereiro de 2017

Falsifikasaun Dokumentus, Kalbuady Tenke Hatan

PARTILHAR
DILI – Deskonfia autor prinsipal falsifika dokumentus ba jogador sidadaun Brasileiru nain 7, neebe mai joga tuir Timor Leste, maka Prezidente Federasaun Football Timor Leste (FFTL) Fransisco Klabuady Lay ho Sekertariu Jeral FFTL  Amandio Sarmento, hatudu katak sira halo korupsaun legal, tanba nee sira nian rua tenke hatan liu husi dalan justisa.

Kategoria falsifikasaun dokumntus ba jogador Basil nee korupsaun legal, tanba sira lobi too igreja, halo sertidaun falsu ba sidadaun Brasil, nee krimi ou korupsaun legal, tanba nee KAK no Ministeriu Publiku tenke invistiga hodi lori Kalbuady no Amandio ba Tribunal hodi hetan justisa no buka lia los.

Ba kestaun nee Jurista Agustinho Xavier husu ba KAK ho Ministeriu Publiku, tenke invistiga klean Prezidente FFTL Kalbuady ho Sekjen Amandio.

Tanba ami deskonfia sira nian rua nee maka durante nee lideira FFTL e sira nain rua nee maka sai autor ba flasefikasaun dokumentus sira nee, needuni tenke lori ba Tribunal hodi hetan lia los, se lae sira nain rua hanesan fali pawer boot ida iha FFTL hodi estraga Futebool iha Timor Leste,” hateten Xavier.

Iha parte seluk Koordenador Amantes Jose Carvalho, Eis jogador nee hateten, sansaun neebe FIFA fo ba TL nee relasiona ho falsifikasaun dokumentus ba jogador estranjeiru sira husi Brazileiru neebe tinan hirak liu ba tama iha selesaun ekipa nasional. Joao Anibal

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: