SEJD Ho PN Buka Solusaun Ba Problema FFTL

DILI – Sekertariu Estadu Joventude no Desporte Leovigildo Hornay tur hamutuk ho Komisaun F (PN), neebe trata asuntu saude, edukasaun no Desportu, buka solusaun ba problema neebe maka akontese iha Federasaun Football Timor Leste (FFTL).

Prezidente Komisaun F (PN) neebe trata asuntu Saude, Edukasaun no Desportu deputadu Virgilio Hornay hateten, Konaba nia involvimentu iha prosesu naturilizasaun ba jogadores estranjeiru mai reforsa ekipa jogu play of copa Asia nian iha Malaysia dia 19 Janeiru ho jogadores estranjeiru 12 pesoas husi nasaun Brasil.

Sira hetan naturilizasaun, maibe iha naturilizasaun nee ita komete iregularidade, iha prosesu falsifikasaun dokumentus, entaun sira aplika sansaun disiplinar hodi aplika multa ba FFTL, no espusa Sekertariu Jeral FFTL ho ninia elementus ba,” dehan deputadu Virgili, ba jornalista sira hafoin remata diskusaun ho SEJD, iha PN, Dili, Kinta (09/02/2017).

Deputadu Virgilio hateten, buat ida football nee ema hakarak fair play, tanba fair play nee maka sai hanesan moto ba FIFA. Maibe se nia membru ida husi FIFA maka komete hanesan nee, entaun sira latolera ida nee.

Iha fatin hanesan membru PN husi bankada PD Paulino Monteiro hateten, FFTL nee iha problema barak tebes, liu liu iha sira nia jestaun rasik ladun diak. FFTL nee lolos hare ba nia knar neebe maka iha, liu liu fo atensaun ba lei no regulamentu FFTL nian. Tanba FFTL komvida ema estranjeiru mai, ema nee uluk mai joga tiha iha Indonesia, agora bolu fali ema nee, tuir lolos bolu husi Brasil mai, nee sei iha relasaun familia nee bele. Carme Ximenes

Suara Timor Lorosae