Empreza timoroan pasa ba asesu iha plataforma SIGAME hosi CPLP

Empreza timoroan  iha ohin bele  rejista iha plataforma SIGAME, espasu ne’ebé  kria hodi buka sinerjia no kolaborasaun entre empreza, instituisaun no  entidade sira hodi bele  hetan oportunidade ba negósiu iha  CPLP.

Reprezentante hosi Associação Industrial do Distrito de Aveiro (AIDA) no Associação Nacional das Empresas da Metalúrgicas e Eletromecânica (ANEME), promotora ba plataforma, no Câmara Comércio e Indústria Timor-Leste (CCI-TL) assina iha ohin  protokolu ne’ebé permite arranke ba rejistu empreza timoroan sira.

Protokolu ne’e assina hafoin enkontru ida ho ninia tema "Internasionaliza ho portugés" ne’ebé hakarak, hanesan kazu Timor-Leste nian, lori empreza sira ne’ebé ho espasu ekonómiku sei kolt ba merkadu boot liu iha  luzofonia.

Projetu SIGAME enkuadra iha  Programa Operasionál Kompetitividade no Internasionalizasaun (COMPETE 2020), ne’ebé  hakarak "potensia, dinamiza no hasa’e prezensa ekonómika liliu iha merkadu CPLP".

Objetivu kria " liu tan no kondisaun di’ak ba asesu merkadu foun, promove oferta nasionál, internasionalizasaun  ba empreza, dinamiza koñesimentu realidade industria no emprezaria hosi nasaun CPLP, kria prosesu kolaborativu iha  nível emprezariál no institusionál, no utiliza teknolojia informasaun no komunikasaun".

Manuel Gonçalves de Jesus, embaixadór Portugál iha Díli, refere importánsia enkontru ohin loron no integrasaun iha plataforma ne’ebé  hakarak  dezenvolve "interligasaun diferente hosi  operadór CPLP", inklui assosiasaun emprezariál, instituisaun públika no privadu no empreza sira.

Objetivu, nia afirma, ne’e hanesan insersaun ba empreza " iha merkadu alargadu liu maka  espasu luzófonu", promove teknolojia foun no kooperasaun  emprezariál boot liu.

Elisabete Rita, vise-prezidente ezekutivu AIDA, esplika katak  SIGAME hanesan "instrumentu serbisu ida ne’ebé apoia empreza, instituisaun no entidade koopera entre sira" ne’ebé kria ho apoiu hosi fundu komunitáriu europeu.

Iha prátika reprezenta kriasaun ba rede nível CPLP " hodi halo negósiu no fahe oportunidade kooperasaun emprezariál" hanesan  protokolu iha ohin formalmente haluan iha espasu Timor-Leste.

Plataforma ne’e oferese valénsia balun hanesan iha empreza hotu ne’ebé rejista,hafoin verifikadu hosi  assosiasaun emprezariál nasaun iha kauza, hanesan  Câmara de Comércio e Indústria de Timor-Leste (CCI-TL).

João Reis, vise-prezidente ezekutivu ANEME rekorda katak maski empreza, assosiasaun no instituisaun sira iha  papél ne’ebé define ho di’ak,  hothotu bele no tenki serbisu hamutuk.

Ho nune’e, empreza sira hala’o liu tan no negósiu di’ak, konsolida dezenvolvimentu ekonómiku ne’ebé  krusiál ba kualkér nasaun.

Reis rekorda moos importánsia kolaborasaun entre empreza sira, maski iha nível transnasionál, hodi  permite asesu ba konkursu públiku nasionál boot ka paralela, ho konsórsiu no parseria, ba projetu finansiamentu multilaterál.

SAPO TL ho Lusa