"Deskonsentrasaun" timoroan hanesan "faze daruak" hosi proklamasaun independénsia nian

Hahú prosesu "deskonsentrasaun" no desentralizasaun hosi administrasaun iha Timor-Leste, ne'ebé hahú ofisial iha loron 10 Outubru, reprezenta "faze daruak" hosi proklamasaun independénsia nian", hatete hosi ministru timoroan ida. 

"Ba ha'u rasik hanesan faze daruak hosi proklamasaun independénsia nian. Faze deskonsentrasaun ne'e marka inísiu hosi desentralizasaun hosi kbiit governu sentral nian", hatete hosi ministru Estadu, Kordenador ba Asuntu sira Administrasaun Estadu nian no ministru Administrasaun Estatal, Dionísio Babo, ba Lusa.

Nia esplika katak prosesu ida ne'ebései materializa iha nível hosi munisípiu sira ne'ebé, ba dala uluk, Governu sentral sei fahe kompeténsia balun no mós sei entrega orsamentu rasik hahú hosi tinan 2017.

Babo esplika katak hamutuk ho orsamentu 2017 nian sei haruka ba munisípiu sira osan hamutuk dolar millaun 40 resin ne'ebé sei inklui millaun 17 ba gastu rekorente no sira seluk ne'ebé koresponde ba programa sira hosi liña ministerial sira nian.

"Jestaun jeral sei fó ba autoridade munisipal sira no iha kestaun programátiku no sektorial sira iha ona akordu ida entre MAE ho ministériu sira seluk kona-ba kompeténsia saida maka sei transfere iha tempu badak", nia hatete.

"Sei hanesan prosesu ida ho faze, organizadu hodi nune'e prezidente ka autoridade munisipal simu autoridade hodi jere buat sira ne'e maibé akompaña mós hosi parte ministerial sira", nia konsidera.

Nia esplika katak tanba iha faze dahuluk seidauk bele ko'alia iha desentralizasaun kompletu, maibé antes harii kondisaun sira hodi nune'e munisípiu sira "serbisu mesak no ladún depende ba Governu sentral".

Tomás Cabral, visi-ministru Administrasaun Estatal, hatete ba Lusa katak serimónia sira ne'ebé marka prosesu 'matadalan', hosi delegasaun sira kompeténsia sira nian ba munisípiu timoroan hamutuk 12 hala'o entre loron 10 no 26 Outubru iha kapital munisipal tomak.

Prosesu envolve estrutura munisipal sira ne'ebé iha tiha ona no, hein katak, sei hametin hahú agora, tuir análize progresivu sira ne'ebé sei halo ba kritériu no objetivu sira ne'ebé kumpri tiha ona.

Hanesan inísiu hosi aplikasaun ba polítika ida ne'ebé bazeia iha aspetu haat; apoiu ba dezenvolvimentu hosi área privadu iha área rural sira, reforsu ba oportunidade sira hosi partisipasaun demokrátiku, reforsu hosi instituisaun sira Estadu nian no prestasaun serbisu públiku efetivu sira, efisiente no ekuitativu sira, nia hatete.

Prosesu desentralizasaun administrativu, ne'ebé debate kleur ona iha Timor-Leste, ne'ebé iha tinan hirak ikus ne'e hetan apoiu hosi Portugal, sai tiha ona hanesan objetivu hosi konsulta públiku oioin, inklui iha nível rejional.

Cabral esplika katak konsulta sira ne'ebé konfirma krítika sira iha zona barak nasaun nian ba sentralizmu maka'as ho prezensa rejional sira ne'ebé ezisti to'o iha-ne'e hanesan de'it "reprezentasaun ministerial sira no la'ós serbisu sira delegadu teritorial sira nian".

Iha prátika, signifika katak "atividade tomak hanesan programa hosi governu sentral no finansiamentu iha Díli", hasai efikásia ba inisiativu sira hanesan Programa Nasional ba Dezenvolvimentu Suku sira nian (PNDS) no Planu Dezenvolvimentu Integral Munisipal, "tanba sé maka desidi programa sira ne'e maka nafatin hosi Governu sentral", Cabral esplika.

"Hanoin ba deskonsentrasaun hanesan ba dala uluk lori rekursu ema sira no finanseiru sira ba munisípiu sira, maibé mós konsege partisipasaun maka'as hosi komunidade iha dezenvolvimentu", nia esplika.

Nia hatete katak hanesan estratéjia ida ne'ebé hakarak hapara urbanizasaun hosi populasaun ne'ebé aumenta, liuliu iha Díli ne'ebé aumenta ona ba populasaun rihun 70 iha tempu portugés no hosi rihun 100 durante okupasaun indonéziu ba rihun 350 resin iha tempu agora.

"Iha pasadu zona sira hanesan Baucau no Malian hanesan zona produtivu liu maibé ohin loron populasaun sira husik maka'as. Deskonsentrasaun ne'e, hodi hahú desentralizasaun, sei lori tan rekursu sira ba zona sira ne'e no ba zona sira seluk", nia hatete.

Prosesu hahú ho autoridade munisipal haat no administrador munisipal ualu, no administrador sira "bele avansa ba autoridade sira hodi prenxe kritériu oioin" no sira ne'e, bainhira kumpri kritériu sira seluk, "bele hahú hanoin iha eleisaun munisipal sira".

SAPO TL ho Lusa