DILI,
(ANTIL) – Servisu Rejistu no Verifikasaun Emprezarial (SERVE) ne’ebe
durante ne’e kaer responsabilidade hodi fo legalizasaun no lisensa ba atividade
negosiu nian iha Timor-Leste, rejista ona kompana hamutuk 1.100 ne’ebe nia nain
mak ema estranjeiru.
Direitor
Ezekutivu SERVE, Florêncio da Conceição Sanches esplika, hahu hosi Junu
2013 to’o Junu 2016, sira mos rejista Timoroan ne’ebé nain ba kompana 13,000
ne’ebe rejistradu. Numeru kompana hirak ne’e mak hosi ENIN: 5,490 emprezas,
Unipessoal Lda: 5,976 emprezas, Por Quotas Lda: 2,898 emprezas, Sociedade
Anonima: 42 emprezas, Empresa Publico: 2 emprezas no RP / Internacional: 72
emprezas.
Nia
mos esplika katak, SERVE husu ona ba governu atu bele implementa ona sistema
foun ba rejistu emprezarial nian ne’ebe planeia ona. Iha 2014, SERVE halo
parseiru ho Banku Mundial hodi halo estudu oinsa SERVE atu hetan sistema ida
foun atu halo rejistu.
“Iha
kriteria 250 ne’ebé Banku Mundial intrega ba Governu TL atu SERVE bele utiliza
sistema ne’e,” dehan Florêncio ba ANTIL iha nia knar fatin, Kuarta
(21/09).
Implementasaun
sistema foun ne’e, hetan alokasaun orsamentu duni hosi govenru, maibe rekursu
umanu iha areia IT mak laiha, entaun SERVE labele ezekuta.
“Agora
dadauk SERVE uza sistema taxa atu halo rejistu ba emprezáriu sira, hanesan
dezafiu bot ba SERVE tamba requezitus iha sistema taxa lahanesan
requezitus iha sistema rejistu nian,” (Jornalista: Julia Chatarina / Editor:
Gantry Meilana)
Foto:
Director Executivu SERVE Florêncio Sanches
Sem comentários:
Enviar um comentário